Uyu munsi kuwa 03 Kamena 2025, mu Karere ka Gisagara habaye ibikorwa byinshi binyuranye. Ubuyobozi bw'Akarere burabagezaho, mu ncamake, bimwe mu bikorwa byaranze uwo munsi.

1. Nk'uko biteganyijwe, muri iki gitondo, mu Mirenge yose habaye ibikorwa by'igitondo cy'isuku byibanze ku bikorwa bikemura ibibazo bibangamiye imibereho myiza y'abaturage HSIs.

2. Habaye inama ya JOC yaguye iyobowe na VM ED, yibanze ku ngigo zikurikira:
- Umutekano muri rusange n'ingamba zo gukumira ibyaha
- Gahunda ya Tubagororere mu muryango
- Gukumira abamamyi b'umuceri

3. Itsinda ry'abakozi ba Rwanda Housing Authority na National Land Authority ryaje mu Karere ka Gisagara rije gukora "Identification and prioritization of Sites" zo guturamo zizakorerwa Physical plan.

Itsinda ryakiriwe n'Umuyobozi w'Akarere wungirije Ushinzwe iterambere ry'Ubukungu ari kumwe n'abakozi bo muri IOSC Unit. Ryanaganiriye kandi n'Umunyamabanga Nshingwabikorwa w'Akarere.

Iri tsinda rizakora iki gikorwa kugeza kuwa gatanu, risura ama sites ari ahantu hatandukanye mu Mirenge y'Akarere ka Gisagara.

4. VM ED yayoboye inama y'Ihuriro ry'amakoperative n'Abafatanyabikorwa mu Karere ( District Cooperative Forum).

Inama yitabiriwe na:
- Abagize Komite y'Ihuriro ry'amakoperative n'Abafatanyabikorwa
- Inzego z'umutekano mu Karere (Ingabo, Police na RIB)
- Perezida b'amakoperative y'ubuhinzi.

Intego y'inama:
- Kunoza imikorere, imiyoborere n'imicungire y'umutingo w'amakoperative
- Abakozi bo mu ishami ry'itarambere ry'ishoramari n'Umurimo n'abakozi bo mu ishami ryo mu buhinzi.
- Konoza uruhererekane nyongeragaciro rw'umuceri
- Ibindi

5. VM AFSO yitabiriye inama yagarutse ku burezi yateguwe ku ufatanye na World Vision Rwanda yabereye i Kigali muri Lemigo Hotel.

Hagaragajwe ibimaze gukorwa n'ingano y'abana bafashwa kwitabira ishuri no kurigumamo n'ahari imbogamizi cyane cyane ku bikorwa byari mu mushinga  w' uburezi Iwacu.

Haganiriwe ku ngamba zafasha gusigasira ibyagezweho n'icyakorwa kugira ngo ibyitabwagaho mu Burezi Iwacu bizakomeze nta nkomyi birimo:
- Gufasha abana gukomeza kwitabira amasomero ari mu Tugari
- Amatsinda y'ababyeyi
- Amasomero yafashijwe kwiyubaka no kubungabunga ibikoresho byashyizwemo
- Imicungire y'abakurikiranaga uko ayo masomero akora
- Gufasha abana n'abandi bitabira amasomero.

6. Mu rwego rwo rwo kwegera abaturage, kubakemurira ibibazo no kuganira kw'iterambere ryabo, ku gicamunsi, mu Mirenge yose habaye inteko z'abaturage.

Ku rwego rw'Akarere yabereye mu Kagari ka Mukiza mu Murenge wa Mukindo, aho yitabiriwe n'itsinda ry'abadepite rimaze icyumweru mu Karere kacu bari kumwe na VM ED n'abayobozi b'inzego z'umutekano ku rwego rw'Akarere.

Mu gitondo baganiriye n'abayobozi batandukanye bahagarariye ibyiciro byose by'abaturage banasura ahatangirwa serivisi, ku gicamunsi bitabira inteko z'abaturage.

7. Mu cyumba cy'inama cy'Akarere ka Gisagara habereye umuhango wo kurahiza Abunzi basimbura abatakiri mu nshingano.
Indahiro zabo zakiriwe na Perezida w'Urukiko rw'Ibanze rwa Ndora  NKURUNZIZA Pierre Claver ari kumwe n'umwanditsi w'Urukiko Mlle IGIHOZO Liliane.

Abunzi barahiriye inshingano ni: 
- SIMPIGANABO Xavier: Umwunzi mu Nteko y'Abunzi y'Akagari ka Bwiza, Umurenge wa Kansi 
- SEMANA Jean Marie Vianney: Umwunzi mu Nteko y'Abunzi y'Umurenge wa Kansi (Ubujurire)

8. Habaye amahugurwa yateguwe ku bufatanye na NUDOR agamije Ubukangurambaga ku buryo insimburangingo n'inyunganirangingo zitangwa.

Umwaka ushize hari abaturage bo mu Mirenge ya Ndora, Kibirizi na Muganza NUDOR yafashije kubona insimburangingo n'inyunganirangingo ku mikoranire n'ibitaro bya Gatagara. Ariko byagaragaye ko hari abandi batabashije kujyayo kubera impamvu zitandukanye.

Ni muri urwo rwego hakozwe inama ihuza: abakozi b'Akarere (Heath and Social Units), social affairs b'Imirenge, NCPD Coordinators, ibigo nderabuzima n'abashinzwe "Orthopecidic and rehabilitation services" ku bitaro bya CHUB, Ruhengeri Referral hospital na Kibirizi hospital kugira ngo bafezweho amakuru ku buryo insimburangingo n'inyunganirangingo zitangwa hifashishijwe ubwisungane mu kwivuza.

9. Uyu munsi Umunyamabanga Nshingwabikorwa w'Akarere yakiriye itsinda ryaturutse muri LODA aho ryari rimaze iminsi 2 mu karere basura ibigo by'ubuvuzi byubatswe ku nkunga ya KFW, aho bamugaragarizaga ibyagaragaye basure ndetse n'ibikwiye kwitabwaho kgo hategurwe uko ibyo bikorwa byasanwa bikanabungwabungwa mu buryo burambye hanategurwa ko abo baterankunga bazasura Akarere mu minsi iri imbere.

Murakoze