Kimwe n'ahandi mu Gihugu, uyu munsi mu Karere ka Gisagara hizihije umunsi w'Intwari z'Igihugu. Umunsi mukuru wabereye mu Midugudu yose igize Akarere ka Gisagara, ku nsanganyamatsiko igira iti: Ubutwari mu Banyarwanda, agaciro kacu.

Ku rwego rw'Akarere uyu munsi wabereye mu Murenge wa Nyanza, Akagari ka Higiro, umudugudu w'Akabakene, Umushyitsi Mukuru yari Umuyobozi w'Akarere wungirije ushinzwe iterambere ry'ubukungu.

Umuyobozi w'Akarere wungirije ushinzwe iterambere ry'imibereho myiza we yafatanyije n'abaturage ba Mugombwa, mu Kagari ka Mugombwa, Umudugudu w'Impinga. Hose abayobozi b'inzego z'umutekano ku nzego zose bitabiriye ibi birori.

Muri ibi birori hakozwe ibikorwa bikurikira:

- Kumurika ibyagezweho mu rwego rw’Iterambere

- Hatanzwe ikiganiro kivuga ku Ntwari z' u Rwanda

- Imbyino n'indirimbo bisingizwa Intwari z' u Rwanda

- Korozanya inka.