Kuri uyu wa kabiri tariki ya 4 Werurwe 2025, mu cyumba cy'inama cy'inyubako ya Gisagara Arena, Umunyamabanga Nshingwabikorwa w'Intara y'Amajyepfo Vedaste Nshimiyimana ari kumwe n'Umuyobozi w'Ingabo mu Ntara Maj. Gen. Vincent Gatama yayoboye inama yahuje ubuyobozi bw'Intara, Akarere n'Abayobozi b'ibigo by'amashuri bose, baganira ku mutekano, uburere mboneragihugu, by'umwihariko kwirinda ingengabitekerezo ya jenoside yakorewe Abatutsi mu mashuri.

Nyuma yo kungurana ibitekerezo ku burezi n'uburere bikwiye abana, bo Rwanda rw'ejo, Inama yashojwe hafashwe umwanzuro uvuga ngo: Nta ngengabitekerezo ya jenoside igomba kurangwa mu bana bacu!