Kuri uyu wa gatatu tariki ya 02 Ukwakira 2024, mu Karere ka Gisagara habereye igikorwa cyo gutangiza imishinga 2 ya SPIU RAB: Umushinga wo guteza imbere ubworozi bw’inka zitanga umukamo icyiciro cya 2 “RDDP 2” n’Umushinga wo kwagura ubuhinzi burambye n’ubwihaze mu biribwa “SAIP 2”.

Umushyitsi mukuru muri iyi gahunda yari Umuyobozi w’Akarere Jerome Rutaburingoga ari kumwe na UWIMANA Gaspard (Animal Resources Specialist  & Team Leader / RAB) na IMANIMURINDE Evode (Nutrition Specialist/RAB).

Igikorwa cyitabiriwe na:
- Umuyobozi w’Ingabo mu Karere
- Abanyamabanga Nshingwabikorwa b'Imirenge
- Abakozi b’Akarere bashinzwe ubuhinzi ubworozi n’umutungo kamere ku Karere no mu Mirenge
- Abayobozi ba SACCOs
- BDF Manager
- Abahinzi n’aborozi ntangarugero bavuye mu Mirenge
- Abakozi b’iyo mishinga mu Karere

Iyo mishinga izafasha abahinzi n’aborozi kwihuta mu iterambere bongera ubwiza, ubwinshi n’ubunini bw’ibikorwa bakora, kandi izafasha n’abantu kwihangira imirimo ishamikiye ku buhinzi n’ubworozi.