Kuri uyu wa 26 Werurwe 2025 mu Karere ka Gisagara habaye igikorwa cyo gusoza ubukangurambaga ku buzima (Health Awareness Campaign) cyateguwe ku butanye na FXBRwanda mu mushinga FXBVillage Project. Muri iki gikorwa, abaturage bo mu Murenge wa Nyanza bahawe ibintu bitandukanye mu rwego rw'iterambere n'imibereho myiza bifite agaciro ka 74,500,000Frw.

Ibintu abaturage bahawe: inka 43, toni 5 z'imyaka, ingurube 59, inkoko, ibikoresho by'imyuga ku rubyiruko 40 bize imyuga, Amatsinda 36 yo kuzigama, kugurizanya no kunganirana yarashe ku ntego n'amafranga 30,000,000; Smartphones 36 zahawe ayo matsinda, ibikoresho by'ubuhinzi ku miryango 400, amabati 609, inzu ifite agaciro ka 5,800,000Fr (habariwemo inyubako, annexes, ibikoresho n'inka).

Iki gikorwa cyitabiriwe n'Umuyobozi w'Akarere Jerome Rutaburingoga, umuyobozi mukuru wa FXB Rwanda Kayitana Emmanuel, inzego z'umutekano, abakozi b'Akarere n'Umurenge n'abagenerwabikorwa biganjemo urubyiruko.

Umuyobozi w'Akarere yabasabye gufatira ku bikoresho bahawe bagakora bakiteza imbere. Bakazirikana ko gahunda y'inka ku muryango ari ihame ku mibereho myiza n'iterambere ry'abaturage. Yakebuye abitabiriye kudaha umwanya amagambo abakerereza mu rugendo rw'iterambere, bakamenya guhitamo inshuti nziza muri urwo rugendo no mu buzima busanzwe.

Murakoze