Bimwe mu bikorwa byaranze Akarere ka Gisagara kuri uyu wa 11 Kanama 2023:

1. Minister of State muri MINECOFIN Dr Uwera Claudine na Team bari kumwe basuye Akarere ka Gisagara bareba imwe mu mishinga y'iterambere ry'Akarere. Basuye icyanya cy'inganda, bareba uruganda rwa GABI Ltd. rukora Urwagwa, Umutobe na Gin n'uruganda ruzatunganya inyama zizagemurwa mu gihugu no hanze yacyo Meat Proccessing Plant.

Nyuma yo gusura, VM ED Jean Paul Habineza ari kumwe n'abayobozi b'inzego z'umutekano ku Karere na bamwe mu bakozi b'Akarere, yabagararije mu ncamake imishinga migari y'iterambere ry'Akarere n'imbogamizi zihari zituma itihuta cg itinda gushyirwa mu bikorwa.

Nyuma banagiranye ibiganiro n'uhagarariye uruganda rutunganya nyiramugengeri mo amashanyarazi rwa Hakan Peat Power Plant rwubatse mu Murenge wa Mamba mu Karere ka Gisagara nk'umushinga wo ku rwego rw'igihugu ukorera mu Karere.

2. Umuyobozi w'Akarere Jerome Rutaburingoga yitabiriye inama nyunguranabitekerezo ku iterambere ry'ubuhinzi n'ubworozi mu Ntara y'Amajyepfo yahuje abafite inshingano zo guteza imbere uru rwego mu Ntara hose kugera ku Murenge.

Inama yabereye mu Karere ka Huye, ikaba yayobowe na Minisitiri w'ubuhinzi n'ubworozi Musafiri Ildephonse ari kumwe na Guverineri w'Intara y'Amajyepfo Alice Kayitesi.

3. Hateranye inama y'abagize Bureau y'Inama Nyanama y'Akarere, iyobowe na Chairperson Innocent Uwimana, isuzuma ibi bikurikira:
- Hakozwe gahunda y'inama zisanzwe za Njyanama mu mwaka wa 2023-2024
- Hateguwe inama y'Inama Njyanama y'igihembwe cya 1 cya 2023-2024
- Hasuzumwe amabaruwa y'abandikiye Inama Njyanama.

4. VM ED yatangije umwiherero w'umunsi 1 wa Accountants b'Akarere, Ibitaro, Ibigo Nderabuzima  n'ibigo by'amashuri ugamije guhuza raporo z'umwaka no kureba niba nta makosa cg ikinyuranyo kirimo.
Yabasabye guharanira ubunyangamugayo na clean Audit.

Murakoze