Kuri uyu wa 12 Ukwakira 2024, Mu Murenge wa Kibilizi mu Karere ka Gisagara habereye umuganda wihariye w'urubyiruko ku rwego rw'igihugu wibanze ku gutera ibiti ku musozi wa Buzana, ku gikuka cy'umugezi wa Migina, hakaba hatewe ibiti by'ishyamba 11,200 ku buso bwa 6,6ha. Ni igikorwa cyitabiriwe n'urubyiruko rusaga 2,000.

Witabiriwe na Minisitiri Utumatwishima Jean Nepo Abdallah wari umushyitsi mukuru, ari kumwe na:
- Abadepite bahagarariye urubyiruko mu Nteko ishinga amategeko
- Country Director wa UNICEF mu Rwanda Julianna Lindsey
- DG REMA
- Umunyamabanga Uhoraho muri Minisiteri y'Urubyiruko
- Umunyamabanga Nshingwabikorwa w'Intara wari uhagarariye Guverineri w'Intara
- Umuyobozi w'Akarere ari kumwe n'abagize Komite Nyobozi
- Inzego z'umutekano ku rwego rw'Akarere n'Umurenge wa Kibilizi
- Abafatanyabikorwa batandukanye ba Minisiteri
- Urubyiruko ruturutse muri Kaminuza y'u Rwanda
- Urubyiruko ruturutse muri Kaminuza Gatulika y'u Rwanda
- Abakozi b'Akarere ku Karere, Imirenge inyuranye n'Utugari.
- Abandi bashyitsi banyuranye baje gushyigikira urubyiruko
- Urubyiruko rusaga 2000.

Mu butumwa Minisitiri yagejeje ku rubyiruko rwitabiriye, yabashishikarije kwiga cyangwa guhanga imirimo yerekeye ku kurengera ibidukikije kuko ni ho hari amahirwe menshi y'akazi n'abaterankunga. Yabagaragarije amahirwe anyuranye yateganyirijwe urubyiruko kugira ngo rukore kandi rutere imbere, runateze 

Nyuma y'umuganda, hakomeje umukino wa Volleyball wa gicuti wahuje Ikipe y'Akarere GVC na Police, urangira banganyije set 1 kuri 1 kuko bakinnye sets 2 gusa.

Hakomeje igitaramo n'abahanzi batandukanye Minisiteri y'uribyiruko, ubuhanzi n'ubugeni yateguriye urubyiruko rwa Gisagara. Rwagiye ruhererwamo ubutumwa bunyuranye bwo kwirinda ibiyobyabwenge, gukora no kwiteza imbere kandi muri byose n'aho bari hose bakarengera ibidukikije.

Murakoze