Kuwa kabiri tariki ya 7 Nzeri 2021 Minisitiri w'Ubutegetsi bw'igihugu Bwana Gatabazi Jean Marie Vianney ari kumwe na Guverineri w'Intara y'Amajyepfo Madamu Kayitsi Alice yasuye Akarere ka Gisagara.

Ni urugendo rw'iminsi 3 agiye gukorera mu Ntara y'Amajyepfo, akaba yarutangiriye mu Karere ka Gisagara.

▪ Yaje ari kumwe n'abagize inama y'umutekano itaguye y'Intara y'Amajyepfo, DG LODA Saidi, Team y'abakozi batandukanye ba MINALOC.

Bakiriwe n'Umuyobozi w'Akarere ari kumwe na Perezida w'Inama Njyanama, Komite Nyobozi y'Akarere, Abagize Inama y'Umutekano itaguye kunrwegomrw'Akarere, abanyamabanga Nshingwabikorwa b'Imirenge.

▪ Abashyitsi basuye uruganda rutunganya amashanyarazi avuye muri nyiramugengeri rwubatswe mu Murwenge wa Mamba. Umuyobozi w'uruganda yasobanuye uburyo uruganda rukora kuva bacukura nyiramugengeri, igaca mu mashini ziyitwika kugera ivuyemo amashanyarazi akwirakwizwa mu muyoboro rusange wa REG.

▪ Hifashishijwe Contol Room y'uruganda, icyumba gikurikiranirwamo imirimo y'uruganda yose n'imikorerenyarwo, Minisitiri bamugaragarije uko uruganda rukora n'uburyo rukurikiranwa umunota ku munota.

▪ Yashimye  cyane uru ruganda n'umushoramari warwubatse kuko rwongereye umuriro w'amashanyarazi ho 80M, rwahaye akazi n'ubumenyi abaturage benshi mu ngeri zitandukanye. Ubu rwatangiye gusohora amashanyarazi.

Minisitiri n'abo bari kumwe bakomereje ku kibuga cy'umurenge wa Mamba, aho abaturage bahagarariye abandi mu byiciro byose bari bamutegereje, akaba yasubukuye ku mugaragaro inteko z'abaturage zari zarahagaze kubera COVID19.

▪ Yashishikarije abaturage kwirinda icyorezo cya COVID19 no kwitabira igikorwa cyo kubakingira. Yahaye amabwiriza abayobozi abayobozi ku ngeri zose ko igihe inkingo zabonetse bagomba gushyira imbaraga mu gukingira abafurage ntibiharirwe ibigo by'ubuvuzi.

▪ Yasabye kandi abayobozi ku nzego zose gutanga serivisi ku baturage, birinda kubasiragiza cyangwa gusubiza inyuma ikibazo bagejejweho kuko hari igihe usanga umuturage asubiye hamwe batagikemuye cyangwa atanyuzwe akaba ari nayo mpamvu yakizanye ku muyobozi.

▪ Yasabye abayobozi:

- Kwegera abaturage binyuze muri gahunda zirimo Inteko, z'Abaturage(hubahirijwe ingamba zo kwirinda COVID-19),

- Gutanga serivise nziza no kudasiragiza abaturage

- Gukemura ibibazo by'abaturage ariko bikajyana no kwigisha

- Kujya basobanurira abaturage, gahunda za Leta n'uburyo bwo kuzishyira mu bikorwa bafatanyije

- Gukora ubukangurambaga bwa Tuzasaze neza

▪ Yasabye abaturage:

- Kwirinda COVID19

- Gukora cyane bakiteza imbere, ibikorwa by'iterambere binyuranye bagezwaho bakabibyaza umusaruro

- Kwita kw'iterambere n'imibereho myiza y'umuryango, abashakanye bakaganira ku hazaza h'umuryango n'iterambere ryawo

- Kwizigamira bateganyiriza amasaziro

- Kugiranuruhare mu kwikemurira ibibazo no kunyurwa iyo watsinzwe.

▪ Yakiriye ibibazo by'abaturage, afatanyije n'ubuyobozi bw'Intara n'Akarere birakemurwa. Byinshi byari ibishima cyangwa ibyifuzo by'iterambere rusange ry'abaturage.

Minisitiri ageze ku Karere, yasanze hateraniye abayobozi n'abavuga rikijyana (Opinions Leaders) bahagarariye ibyiciro binyuranye by'abaturage baturutse mu bice by'Akarere byose bateraniye mu cyumba cy'inama cy'Akarere bamutegereje, bamwakirana ibyishimo byinshi.

▪ Ibyiciro yahuye nabyo:

- Executive Committee

- Biro Njyanama

- Security Organs Leaders at District Level

- ES Sectors

- Directors at District

- Religious representatives

- Biro JADF

- Abashoramari banini

- SACCO Managers

- DG Hospitals & Health Centres Leaders

- ES Cells representatives

- Head of Villages representatives.

▪ Umuyobozi w'Akarere amaze kumugaragariza ishusho rusange y'Akarere, Minisitiri yaganirije abayobozi batandukanye, ashima imiyoborere n'imikoranire igaragara mu Karere ka Gisagara, bikaba byaratumye Akarere kagera kuri byinshi.

▪ Yasabye gukomeza kwegera abaturage, bakabafasha kwiteza imbere mu buryo bwose, umuturage akaba icyitegererezo cy'ubuyobozi bwiza, umuturage kw'isonga

▪ Abayobozi bahagarariyenabaturage bamushimiye cyane, bamugaragariza intambwe bateye kubera imiyoborere myiza yitaye kumuturage, bamusaba kubashimirira Nyakubahwa Perezida wa Repubulika.

Bamugaragarije ibyifuzo basabaho ubuvugizi kugira ngo bihute mu iterambere n'imibereho myiza. Yabasabye ko ibyo bashoboye babikora, ibikeneye ubuvugizi buzakorwa kandi byose birashoboka kuko icyambere ni ubushake. Yasabye DG wa LODA ko ibishoboka byitabwaho muri budget revision cyangwa mu ngengo y'imari 2022-2023.

Murakoze