Kuri uyu wa gatandatu tariki ya 22 Mutarama 2022 Minisitiri w'ibikorwa remezo Gatete Claver ari kumwe na Guverineri w'Intara y'Amajyepfo Kayitesi Alice n'abandi bayobozi batandukanye basuye Akarere ka Gisagara.

Ni muri gahunda afite yo gusura Intara y'Amajyepfo, areba bimwe mu bikorwa remezo bigari Bihari. Mu Karere ka Gisagara basuye ibikorwaremezo bijyanye n’amashanyarazi.

Bakiriwe n'Umuyobozi w'Akarere ari kumwe n’umuyobozi w’Akarere wungirije ushinzwe iterambere ry’ubukungu n'abayobozi b'inzego z'umutekano ku rwego rw'Akarere n'abayobozi b'ibikorwa byasuwe.

Basuye ibikorwa bikurikira:

A. Umuyoboro mugari mpuzabihugu urimo kubakwa, 220kv Kigoma-Gisagara Substation, bareba substation ya Ruturo mu Murenge wa Kibilizi. Uwo muyoboro uhuza Uganda-Rwanda-Burundi-South Africa.

B. Basuye kandi Uruganda rutunganya nyiramugengeri mo amashanyarazi  Hakan Peat Power Plant rwubatse mu Murenge wa Mamba. Ubu uruganda rumaze kuzura, rukaba rurimo gusohora 30MW kuri 80MW ruteganya gutanga. Nyuma y'igihe cy'igerageza, ruzatangira rurekure MW zose kuko ibyangombwa byose birahari.

Bashimye cyane urwo ruganda kuko ruzatuma ingufu z'amashanyarazi mu gihugu ziyongera bityo iterambere rikihuta kandi n'igiciro cy'amashanyarazi kikaba cyagabanuka.