Hirya no hino mu Tugari twose tugiza Akarere ka Gisagara hijihijwe umunsi mukuru wo Kwibohora28, abaturage bishimira ibikorwa binyuranye by'iterambere n'imibereho myiza bagezeho babikesha ubuyobozi bwiza.

Henshi muri ibi birori habayemo  ibikorwa byo gutaha ibikorwa remezo byagezweho, kugabirana inka (byakozwe mu Mirenge yose), guha abana amata, kumurika bimwe mu abaturage ubwabo bagezeho, n'ibindi byo kwishimira iterambere n'imibereho myiza abaturage bagezeho.

mu bikorwa byatashywe harimo ibi bikurikira:

- Umuyoboro w'amazi meza ugeza amazi meza mu Mirenge ya Ndora na Gishubi - Akabirira station (44.6km)

- Umuyoboro w'amazi meza mu Murenge wa Gishubi: 89km
- Umuyoboro w'amazi meza mu Murenge wa Muganza: 43km
- Inzu ababyeyi babyariramo mu nkambi y'impunzi mu Murenge wa Mugombwa
- Iteme rya nyiragashikazi rihuza Uurenge wa Nyanza n'uwa Ngoma mu Karere ka Nyaruguru
- Inzu y'imyuga (Agakiriro) mu Murenge wa Nyanza
- Amazu yubakiwe abatishoboye barokotse jenoside yakorewe abatutsi mu Mirenge ya Kibilizi, Muganza, Ndora na Mamba yatujwemo imiryango 54.

Ku rwego rw'Akarere ibirori byabereye mu Murenge wa Gishubi, VM ED Habineza Jean Paul akaba ari we wari umushyitsi mukuru ari kumwe n'abayobozi b'inzego z'umutekano ku rwego rw'Akarere. VM AFSO Dusabe Denise yifatanyije n'abaturage b'Umurenge wa Nyanza kwizihiza ibirori.

Mu Mirenge hose byagenze neza, abayobozi n'inzego z'umutekano bifatanyije n'abaturage kuwibyizihiza.

Umuyobozi w'Akarere Rutaburingoga Jerome yitabiriye ibirori i Nyaruguru aho byabereye ku rwego rw'igihugu.

Mu masaha y'igicamunsi, habaye imikino y'Umupira w'Amaguru mu Mirenge itandukanye mu rwego rwo Kwibohora28 no kwishimira ibyagezweho.

Ku rwego rw'Akarere umukino wahuje ikipe y'Umurenge wa Kibilizi n'Umurenge wa Ndora. Uyu mukino witabiriwe  n’ Umuyobozi w'Akarere, VM AFSO, Division Manager, Abayobozi b’Inzego z'Umutekano ku Karere n’Umurenge wa Ndora.

Umukino warangiye ikipe ya Kibilizi itsinze kuri Penality 5 kuri 3 za Ndora.

Uko rimeze ubu

Uko ryari rimeze