Kuri uyu wa gatandatu tariki ya 04 Nzeri 2021, mu Murenge wa Kansi habereye igikorwa cyo Gushyingura mu cyubahiro  imibiri 26 y'abazize jenoside yakorewe abatutsi mu 1994 yabonetse mu bice bitandukanye by'Umurenge wa Kansi.

▪ Abashyitsi bitabiriye:

- President w'Inama Njyanama y'Akarere

- VM ED wari uhagarariye Umuyobozi w'Akarere

- VM AFSO

- Umuyobozi wa Police mu Karere (DPC)

- Perezida wa Ibuka mu Karere

- Msgr Birindabagabo Alexis

- Es wa Kansi na Es wa Gishubi

- Umukozi wa CNLG mu Karere ka Gisagara na Huye

- Bamwe mu bakozi b'Akarere n'Umurenge ndetse n'Abaturage bahagarariye abandi

- Bamwe mu bashyinguye ababo kimwe na bamwe mu bafite ababo bashyinguye mu rwibutso rwa Kansi.

▪ Uhagarariye imiryango yashyinguye Ingabire Francoise yashimiye ubuyobozi bw'Akarere, Ibuka ndetse n'ubuyobozi bw'Igihugu muri rusange ku bikorwa bihesha agaciro abazize jenoside yakorewe Abatutsi.

▪ Ubutumwa (ikiganiro) bwatanzwe na Perezida wa Ibuka  bwashimiraga inkunga Leta itanga mu rwego rwo gufasha abacitse ku icumu rya jenoside no gusaba abaturage gutanga amakuru ku hantu haba harajugunywe abatutsi bishwe muri jenoside aho kugira ngo baboneke kubera ibikorwa remezo bikorwa.

▪ Umushyitsi Mukuru muri uyu muhango, VM ED,   yatanze ubutumwa bwihanganisha ababuze ababo cyane abashyinguye imiryango yabo kuri uyu munsi n'abarokotse jenoside yakorewe abatutsi muri rusange. Yabijeje ko ubuyobozi bw'Akarere buzakomeza gufasha abacitse ku icumu rya jenoside batishoboye bose mu rugendo rwo kwiyubaka no kwiteza imbere.

▪ Yasabye abari bitabiriye kandi gukomeza inzira nziza twatangiye yo gushyigikira ubumwe n'ubwiyunge bw'Abanyarwanda, anashingiye ku cyiciro cy'abantu barenga 400 giherutse gusoza urugendo rw'isanamitima mu rwegonrw'ubumwe n'ubwiyunge mu Murenge wa Mukindo.

▪ Nyuma y'ibiganiro n'indirimbo bihumuriza abarokotse jenoside yakorewe abatutsi n'abashyinguye ababo uyu munsi hakurikiyeho igikorwa cyo gushyingura imibiri 26 iherutse kubona no kunamira abazize jenoside bashyinguye muri urwo rwibutso no gushyiraho indabo.

Gahunda yose yakozwe hubahirizwa amabwiriza yo Kwirinda Covid-19