Iyo abazungu baba baratuzaniye ibyiza, Gisagara yakabaye ari Akarere gateye imbere kurusha Uturere twose. Ibi ni ibyatangajwe n'Umuyobozi w'Akarere Jerome Rutaburingoga mu gikorwa cyo kwibuka ku nshuro ya 31 jenoside yakorewe Akatutsi mu 1994.

Ku rwibutso rw'Akarere rwa Kabuye mu Murenge wa Ndora habereye igikorwa cyo Kwibuka ku nshuro ya 31 Jenoside yakorewe Abatutsi mu 1994. Hashyinguwe mu cyubahiro imibiri 34. Uru rwibutso rusanzwe ruruhukiyemo imibiri 47,220 y'abatutsi bishwe muri jenoside yakorwe Abatutsi.

Ni igikorwa cyitabiriwe na:
- Hon Sen Cyitatire Sosthene ari nawe wari umushyitsi mukuru
- Hon.Sen Nsengiyumva Fulgence
- Perezida w'Inama Njyanama y'Akarere ka Gisagara
- Umuyobozi w'Akarere ka Gisagara
- Umuyobozi w'Ingabo mu Turere twa Gisagara, Huye, Nyaruguru
- Umuyobozi wa RF mu Ntara y'Amajyepfo
- VM ED na VM AFSO b'Akarere ka Gisagara
- Perezida wa Ibuka ku rwego rw,Akarere
- Bamwe mu Bajyanama b'Akarere
- Inzego z'Umutekano mu Karere  ( Police, Ingabo, RIB, NISS, DASSO)
- Division Manager w'Akarere 
- Abashyitsi banyuranye baturutse mu bice bitandukanye bh'gihugu
- Abanyamabanga Nshingwabikorwa b'Imirenge igize Akarere
- Abaturage b'umurenge wa Ndora n'indi Mirenge ikikije Umurenge wa Ndora

Umuyobozi w'Akarere Jerome Rutaburingoga yagaragaje ko "Iyo abazungu baba baratuzaniye ibyiza, Gisagara yakabaye ari Akarere gateye imbere kurusha Uturere twose kuko ari ho habanje ibirindiro byabo, Kiriziya ya mbere mu Rwanda yubatswe i Save mu 1900. Ariko icyagaragaye ni amacakubiri n'akarengane, yakuze akabyara Jenoside hakorewe Abatutsi.

Abazungu bihutiye gukuraho ibikorwa by'ingenzi byahuzaga abanyarwanda: Itorero, umuganura, ingabo z'u Rwanda, ahubwo banejejwe no kutwubakira gereza mu 1930, umwami bamucira ishyanga mu 1931, bandika amoko mu mabuku (indangamuntu) mu 1932.

Umushyitsi mukuru Hon. Sen. Cyitatire Sosthene, mu ijambo rye, yagize ati: "Kwibuka ni umwanya wo gusubiza amaso inyuma, tugatekereza ibyatubayeho bityo tugakomera ku cyerekezo twahisemo cyo kuba umwe, kuko kugeza uno munsi haracyari abantu batavuye ku izima.

Yakomeje ati: "Ni umwanya wo kuvuga kandi mu ijwi riranguruye ko Jenoside itazongera kubaho ukundi".
Yasobanuye muri make Kwiyubaka: Politiki y'imiyoborere myiza, gukora cyane ngo twiteze imbere, kunoza ibyo dukora, kudasesagura, kubazwa inshingano, gushyira umuturage ku isonga.

Igikorwa cyashojwe no gishyingura mu cyubahiro imibiri 34 y'abatutsi bishwe muri jenoside yakorewe Abatutsi mu 1994 no gushyira indabo ku rwibutso.

Murakoze