kuri uyu wa 04 Kamena 2025, mu cyumba cy'inama cya Gisagara Arena hateraniye Inteko rusange y'Urubyiruko ku rwego rw'Akarere ka Gisagara yitabiriwe n'Urubyiruko 214. Yatangijwe n'Umuyobozi w'Akarere Jerome Rutaburingoga ari kumwe n'Umuyobozi w'Akarere wungirije ushinzwe imibereho myiza y'abaturage Denise Dusabe.

Iyi nteko rusange irasuzuma Ibikorwa byagezweho n'Urubyiruko mu mwaka w'imihigo 2024-2025 n'ibiteganyijwe mu mwaka 2025-2026.

Mu gutangiza iyi nteko, Umuyobozi w'Akarere yasabye urubyiruko gukura amaboko mu mifuka bagakora cyane, bagakorana n'ibigo by'imari bakiteza imbere. Yabasabye by'umwihariko uru rubyiruko kwirinda ibiyobyabwenge, ingeso mbi no gukoresha nabi imbuga nkoranyambaga, bakazikoresha bashaka cyangwa batanga amakuru y'ibyabateza imbere.