Ubuyobozi bw'Akarere burabagezaho incamake y'ibikorwa byaranze Akarere ka Gisagara kuri uyu wa 25 Nzeri 2025.

1. Mu cyumba cy'inama cy'Akarere hateranye inama y'Inama Ngishwanama yo kurwanya ruswa n'akarengane y'Igihembwe cya mbere 2025-2026 iyobowe n'Umuyobozi w'Akarere akaba n'Umuyobozi w'Inama ngishwanama.

2. Umuyobozi w'Akarere yakiriye mu biro bye Abapfakazi ba Jenoside yakorewe Abatutsi mu 1994 bibumbiye mu itsinda WIBABARA   rikorera mu Murenge wa Ndora, muri gahunda ya BAHO NEZA TWITA KU BUZIMA BWO MU MUTWE rishyirwa mu bikorwa na AVEGA ku bufatanye n'Imbuto Foundation.

Baganiriye kuri gahunda zigamije iterambere, ababwira ko kubaho neza ufite ubuzima bwiza bwo mu mutwe bisaba ko ugomba no kuba warateye imbere, abasaba ko bagomba gukora cyane bakiteza imbere, bakirinda ibibaca intege, ahubwo bagaha agaciro ibibubaka!

Umuyobozi w'Akarere yabijeje ubufatanye no kubaba hafi mu bikorwa bazateganya bigamije iterambere.

3. Umuyobozi w'Akarere wungirije ushinzwe imibereho myiza y'abaturage yakiriye Team ya MINUBUMWE baje mu igenzura ry'imikoreshereze y'amafaranga yatanzwe mu kubaka inzu z'abagenerwabikorwa ba MINUBUMWE n'inkunga y'ingoboka ihabwa abatishoboye barokotse Jenoside yakorewe abatutsi mu 1994.
Bazanagenzura imikorere y'itorero mu mashuri (TSS Mugombwa na ES Higiro muri Nyanza) no ku rwego rw'umudugudu wa Kaburanjwiri mu Murenge wa Kansi.

4. Umuyobozi w'Akarere ari kumwe n'Umuyobozi w'Akarere wungirije ushinzwe imibereho myiza y'abaturage bakiriye abanyeshuri 4 bavuye muri Kaminuza ya Agda muri Norway baje kwimenyereza umwuga ku ubufatanye bw'Akarere, Kaminuza y'u Rwanda n'iyi kaminuza ya Agda.

Abanyeshuri bazimenyereza umwuga mu kigo kigisha abana bafite ubumuga Pallotti hope children centre giherereye mu Murenge wa Kibilizi, HC ya Kibilizi n'ibitaro bya Kibilizi ndetse no muri community.

5. Umuyobozi w'Akarere wungirije ushinzwe imibereho myiza y'abaturage yayoboye inama ngaruka gihembwe y'Inshuti z'Umuryango yitabiriwe na:
- IZU bahagarariye abandi mu Mirenge
- Social b'Imirenge
- Abakozi b'Akarere bafite aho bahurira n'abana: ECD Focal Point
- Umugenzuzi w'imirimo
- CPWO mu Karere
- Abafatanyabikorwa: World Vision, REWU, NIDOR, SAVE the  Children, Police, RIB, IOSC, Good Neighbour, Plan International.

Ingingo zaganiriweho:
- Imyanzuro y'inama iheruka
- Kurinda no kurengera umwana muri rusange
- Gukumira no kurinda imirimo ibujijwe abana
- Gukumira no kurinda abana bata ishuri
- Imikoranire y'abitabiriye mu gukumira ihohoterwa ry'abana iryo ari ryo ryose.
- Uburyo Leta yashyizeho bwo kwakira, gukurikirana no gukemura ibibazo by'abana (Protection Case Management Framework).

6. Umuyobozi w'Akarere wungirije ushinzwe imibereho myiza y'abaturage yakiriye itsinda ry’abakozi baturutse muri World Vision n'abakozi bashinzwe Child  Protection, bahagarariwe na UMUTESI Egidia baje gusura Isomero Rusange rya YEGO Center Gisagara "Gisagara YEGO Center Community Library" mu rwego rwo kurebera hamwe uko iri somero ryakomeza kongererwa agaciro hashyirwamo ibitabo bitandukanye bifasha abato n’abakuru kwimakaza umuco wo gukunda gusoma.

7. Ku bufatanye na MAJ hatangiye amahugurwa y'iminsi ibiri (25-26/09/2025) agenewe abahesha b'inkiko batari ab'umwuga (ESs Sectors & Cells)

Ni amahugurwa yibanda:
- Kurangiza imanza hifashishijwe system ya IECMS  
- Kwakira ibibazo by'abaturage bishyikirizwa Komite z'abunzi hifashishijwe ikoranabuhanga.

Murakoze