Ubuyobozi bw'Akarere ka Gisagara burabagezaho amakuru kuru bimwe mu bikorwa byaranze Akarere kuri uyu wa 28 Mutarama 2025:

1. Mu gitondo, 07h00-08h30, nk'uko biteganyijwe mu gitondo cya buri wa kabiri w'icyumweru, mu Mirenge hose habaye ibikorwa by'igitondo cy'isuku, byibanze ku guharura imihanda no gusibura inzira z'amazi no kubakira abatishoboye.

2. Umuyobozi w'Akarere Jerome Rutaburingoga ari kumwe na Vice Mayor bombi bakiriye itsinda ry'abashyitsi baturutse mu gihugu cya Norvege (Norway) ku buyobozi bukuru bwa CARE-Norway ihagarariwe na ALEXIS ndetse na KOMPLETI ihagarariwe na Martin n'abandi bari bababaherekeje barimo abayobozi ba CARE Rwanda, AEE na RWAMREC.

Uruzinduko rwabo mu Karere rukaba rwari rugamije gusura ibikorwa batera inkunga mu mishinga ishyirwa mu bikorwa na AEE na RWAMREC mu Karere ka Gisagara.

Bagiranye ikiganiro na komite Nyobozi, basura amatsinda yo kwizigamira, amatsinda y'urubyiruko ndetse na clubs zahuguwe na RWAMREC kuva no kuwanya ihohoterwa n'amakimbirane.

Basuye kandi imishinga y'abahuguwe na AEE mu matsinda bakiteza imbere mu Murenge wa Kansi.

3. Urubyiruko rugera kuri 352 rwize imyuga mu byiciro bitandukanye ku bufatanye bw'Akarere, YEGO Center Gisagara, Inama y'Igihugu y'Urubyiruko, Inama y'igihugu y'abagore na STECOMA (Ihuriro ry'abanyamyuga) bahawe impamyabushobozi "Certificates" zo kurangiza amasomo:

1. Abigiye kuri YEGO Center Ubudozi, Gukora inkweto n'ikoranabuhanga:108
2. Abigiye ku murimo: 30
3. Ababonye amahugurwa ku kubakisha rukarakara: 214

VM ED Jean Paul Habineza wari umushyitsi mukuru yabasabye ko ubumenyi bw'ibanze babonye n'amahirwe ahari babibyaza umusaruro, bakihangira imirimo, bakiteza imbere.

STECOMA: Syndicat des Travailleurs des Enterprises de Construction, Menuiserie et Artisanal > Ishyirahamwe ry'abakora imirimo y'ubwubatsi, ububaji n'ubukorikori mu Rwanda.

4. Ku munsi wa 3 w'uruzinduko rw'Abadepite mu Karere kacu: uyu munsi basuye abaturage b'Umurenge wa Mamba mu Tugari tunyuranye.

Basuye abaturage bari mu rugendo rwo kwivana mu bukene bukabije, abahawe inguzanyo za VUP/FS, Koperative AHABONA,  ibimina byo kubitsa no kugurizanya, abacitse ku icumu rya genocide yakorewe abatutsi muri 1994 bahawe amafr yo gukora imishinga y'iterambere (IGAs).

Nyuma yo gusura abaturage mu bikorwa byabo no kuganira nabo, Abadepite bakomereje mu Nteko y'abaturage mu Kagari ka Ramba, aho bari kumwe n'Umuyobozi w'Akarere Jerome Rutaburingoga.

5. Muri gahunda yo kwegera abaturage no gukemura ibibazo baba bafite, nk'uko biteganyijwe buri wa kabiri w'icyumweru, kuri iki gicamunsi, mu Tugari twose habaye inteko z'abaturage.

Ku rwego rw'Akarere yabereye mu Kagari ka Ramba mu Murenge wa Mamba, aho yitabiriwe n'abadepite bari mu Karere kacu n'Umuyobozi w'Akarere Jerome Rutaburingoga.

VM ED Jean Paul Habineza yitabiriye inteko y'abaturage mu Kagari ka Gatoki mu Murenge wa Save, mu gihe VM AFSO Denise Dusabe yitabiriye inteko y'abaturage mu Kagari ka Cyili mu Murenge wa Gikonko.
Hose abayobozi bafatanyaga n'inzego z'umutekano kuganiriza abaturage, kwakira no gukemura ibibazo bafite.

6. Kuri iki gicamunsi kandi, muri Transit Center y'Akarere iherereye mu Murenge wa Gikonko habaye igikorwa cya Screening cyayobowe na VM AFSO Denose Dusabe, abageze ku kigero cyiza cyo kugororwa barataha basubira mu miryango yabo aho bazakomeza gukurikiranwa.

Murakoze