Ubuyobozi bw'Akarere ka Gisagara burabagezaho bimwe mu bikorwa byaranze Akarere ka Gisagara kuri uyu wa 20 Gashyantare 2025

1. Umuyobozi w'Akarere Jerome Rutaburingoga ari kumwe na VM ED Jean Paul Habineza yakiriye Hon. Sen. NSENGIYUMVA Fulgence uhagarariye Komisiyo y'Iterambere ry'Ubukungu muri Sena.

Bagiranye ibiganiro kw'ishyirwa mu bikorwa ry'igishushanyo mbonera cy'Akarere ka Gisagara, ibiganiro byitabiriwe kandi n'abakozi bo mu ishami rya One Stop Center (OSC).

Barebeye hamwe:
- Imiterere n'imikoreshereze y'ubutaka
- Imikoranire hagati y'Akarere n'ibigo by'ubutaka n'imiturire
- Uruhare rw'abaturage mu iyubahirizwa ry'igishushanyo mbonera cy'ubutaka
- Imbogamizi zigaragara mu ishhirwa mu bikorwa ry'igishushanyo mbonera cy'ubutaka

Hon senateri yabijeje ko imbogamizi zagararagajwe zizakorerwa ubuvugizi.

2. VM ED Jean Paul Habineza yayoboye Inama ya DPMC yibanze ku ngingo zikurikira:
- Imishinga irimo gukorwa idafite ibibazo, aho bagaragaje ko imishinga 47 igeze ku kigero cya na 77% ishyirwa mu bikorwa.
- Imishinga ifite ibibazo n'icyakorwa ngo irangire

3. Igikorwa cyo gusura urubyiruko ruri kugororerwa mu bigo ngororamuco cyakomeje. Uyu munsi, VM AFSO Denise Dusabe n'itsinda bari kumwe basuye ikigo cya Iwawa, ahagororerwa urubyiruko rugera kuri 149 rwo mu Karere ka Gisagara.

Iki gikorwa cyitabiriwe na Guverineri w'Intara y'Amajyepfo na Guverineri w'Intara y'Uburasizuba ndetse na Teams z'Uturere tw'izo Ntara.

4. Mu rwego rwo kwigiranaho, Itsinda rigizwe na bamwe mu bakozi b'Akarere, abakozi bafite mu nshingano Ikigo cy'Urubyiruko cya YEGO CENTER GISAGARA, Umwalimu wigisha abanyeshuri biga gukora inkweto n'umunyeshuri uhagarariye abandi banyeshuri biga gukora inkweto muri icyo kigo, bayobowe na NKOTANYI Emmanuel (Vice President wa Board ya YEGO CENTER Gisagara akaba n'Umuhuzabikorwa w'Inama y'Igihugu y'Urubyiruko) bagiriye urugendoshuri mu Karere ka Karongi muri MUNANIRA TSS hagamijwe kwiga uburyo bwo kunoza no kongerera ubushobozi serivise yigisha gukora inkweto muri YEGO ya Gisagara. Aho Karongi, bigisha  L1 na short courses y'amezi 6 n'umwaka. Iyi TSS ikaba ari yo ya mbere yatangije iyi serivise  mu Rwanda mu mwaka wa 2020.

Nyuma  yo kugaragarizwa imikorere y'iri shami rikora inkweto, basuye atelier urubyiruko rukoreramo bareba n'ibikoresho bifashisha mu gukora inkweto, banagaragarizwa  ibisabwa kugira ngo RTB itange certificates zemewe.

Ku gicamunsi basuye rwiyemezamirimo BYIRINGIRO ukora inkweto kuri centre ya Rubengera, abagaragariza uburyo amaze kwiteza imbere abikesha gukora inkweto.

Murakoze