1. Mu midugudu yose igize Akarere ka Gisagara  hateranye Umugoroba w'Imiryango (UWI)   hakaba hatanzwe ikiganiro gifite insanganyamatsiko igira iti: "uburere budahutaza".
 
Abitabiriye UWI basobanukiwe kurushaho:
- Icyo uburere budahutaza aricyo ;
- Uburyo bwo kurera udahutaza;

Ubutumwa bw'umunsi:
Hagendewe ku butumwa bwatanzwe, abitabiriye UWI bamenye ko Kurera udahutaza ari uburyo bwiza bufasha umwana gukura neza mu gihagararo, mu mba mutima, mu bwenge no mu mibanire n'abandi. Bisaba gushyiraho umurongo uhamye kandi wumvikanyweho n'ababyeyi bombi n'abandi bagira uruhare mu burere bw'abana.

2. Ku kibuga cy'umupira w'amaguru cy'Akarere ka Gisagara giherereye mu Murenge wa Ndora habereye imikino isoza amarushanwa y'UKC_2024_2025, hari guhatana amakipe 4 agizwe na 2 y'abagore aho Save ihatana na Mukindo, na 2 y'abagabo aho Umurenge wa Ndora wahatanaga n'uwa Musha.

Imikino yatangijwe n'umuyobozi w'Akarere Jerome Rutaburingoga, aho amakipe yatsindanye ku buryo bukurikira:
Abagore: Save yatsinze Mukindo Penalite 4 kuri 3 nyuma yo kunganya igitego 1-1.

Mu rwego rw'Abagabo: Ndora yatsinze Musha kuri penalite 4 kuri 2 nyuma yo kunganya 1-1.

Ibikombe biraye Save mu bagore na Ndora mu bagabo.

Murakoze