IBIKORWA BIGARI BYARANZWE ICYUMWERU 11-17/11/2024

Bimwe mu bikorwa byaranze Akarere ka Gisagara kuri uyu wa 17 Ugushyingo 2024:

1. Mu midugudu yose igize Akarere ka Gisagara  hateranye Umugoroba w'Imiryango (UWI). Hatanzwe ikiganiro gifite insanganyamatsiko igira iti: "Gukumira no kurwanya ihohotera rishingiye ku gitsina".

  Abitabiriye UWI basobanukiwe kurushaho:

- Icyo ihohotera rishingiye ku gitsina ari cyo;

- Ubwoko bw’ihohotera rishingiye ku gitsina;

- Zimwe mu mpamvu zitera ihohotera n’amakimbirane mu muryango;

- Zimwe mu ngaruka zituruka ku ihohotera rishingiye ku gitsina;

- Ibihano bihabwa umuntu uhohotera umwana;

Ubutumwa bw'umunsi:

Hagendewe ku butumwa bwatanzwe, abitabiriye UWI bamenye ko:

- Ihohotera rishingiye ku gitsina ari icyaha gihanwa n’amategeko;

- Amakimbirane ari intandaro y’ibibazo byose byo mu muryango bityo basabwa kuyakumira ni kuyarwanya;

- Ari ngombwa kwihutira kujyana kwa muganga uwahohotewe, utaramukarabya cyangwa ngo umese imyenda yahohotewe yambaye.

2. Muri FRVB NATIONAL LEAGUE, PHASE 3, irimo kubera mu nzu mpuzamikino (Gymnase) y'Akarere ka Gisagara, GVC yakinnye na Police VC, amahirwe ntiyasekeye GVC kuko yatsinzwe GVC 0-3 POLICE.

Set1: GVC 19-25 POLICE

Set2: GVC 16- 25 POLICE

Set3: GVC 24- 26 POLICE

3. Ariko Ikipe y'Abafite Ubumuga ya Sitting Volleyball y'Akarere ka Gisagara yashoje  phase ya II ya championat yaberaga i Kigali kuri Petit Stade. Nyuma yo gutsinda Rubavu na Rwamagana, kuri iki cyumweru yakinnye na Nyagatare, nayo iyitsinda ubudasubirwaho, bituma Gisagara ikomeza kuba ku isonga:

Gisagara 25 - Nyatare 12

Gisagara25 - Nyagatare 14

Murakoze

Bimwe mu bikorwa byaranze Akarere ka Gisagara kuri uyu wa 16 Ugushyingo 2024:

1. Ikipe ya Volleyball y'Akarere ka Gisagara GVC yitabiriye RWANDA NATİONAL LEAGUE, PHASE 3, DAY2, imikino ibera muri Gisagara Gymnasium.

GVC yakinnye na KVC maze GVC itsinda sets 3-0 KVC

Set1: GVC 25-17 KVC

Set2: GVC 25-11 KVC

Set3: GVC 25-21 KVC

Imikino irakomeza ejo ku cyumweru.

2. Ikipe y'Abafite Ubumuga ya Sitting Volleyball y'Akarere ka Gisagara yitabiriye phase ya II ya championat yabereye i Kigali kuri Petit Stade Gisagara yakinnye imikino 2 irayitsinda:

Gisagara 25-20 Rubavu

Gisagara 25-12 Rubavu

Gisagara 25-14 Rwamagana

Gisagara 25-20 Rwamagana

Imikino izakomeza ejo ku cyumweru.

Murakoze

Bimwe mu bikorwa byaranze Akarere ka Gisagara kuri uyu wa 15 Ugushyingo 2024:

1. Mu gitondo, 09h00-09h45, Umunyamabanga Nshingwabikorwa w'Akarere Carine Uwamahoro yayoboye inama ngufi (Morning Brief) y'abakozi bakorera ku Karere HQs yibanze kuri:

- Kwitegura Evaluation y'imihigo 2024-2025 izakorwa n'Intara kuwa mbere 18/11/2024

- Gukomeza gufatanya na Auditors ba OAG bari mu Karere kuva kuwa mbere 11/11/2024.

2. Habaye Inama ntegurabikorwa ya District Irrigation Steering Committee - DISC itangizwa na VM ED Jean Paul Habineza.

Inama yitabiriwe na:

•             Abanyamabanga Nshingwabikorwa b'Imirenge

•             A&NR Unit

•             Agronome b'Imirenge

•             RAB

•             Rwanda Water Board (RWB)

•             SAIP

•             Abakozi ba Yalla Yalla Group

•             Abakozi ba WAMCAB

•             Abayobozi b'Imiryango ikoresha amazi mu kuhira imirama

•             Abayobozi b'Amakoperative.

Ingingo zaganiriweho:

- Uko ibikorwaremezo bibungabunzwe mu byanya byuhirwa

- Ibikorwa byakozwe n'imiryango y'abakoresha amazi mu gihembwe cy'ihinga 2025A

- Uko Imiryango y’abakoresha amazi iyakoresha neza n’imbogamizi

- Imiryango imaze kubona icyangombwa cyo gukoresha amazi

- Gahunda yo kubyaza umusaruro ibyanya byatunganyijwe.

3. Umuyobozi w'Akarere wungirije ushinzwe imibereho myiza y'abaturage Denise DUSABE ari kumwe n'Umyobozi w'Ishami ry'ubuzima  Karere yagiranye inama n'abafatanyabikorwa SFH Rwanda na Sand Technologies n'abahagarariye Health Posts (Amavuriro y'ibanze 15) yo mu Karere ka Gisagara baganira ku masezerano y'inkunga aba bafatanyabikorwa bagiye guha izi Postes de Sante, aho buri Vuriro rizahabwa Computers 2, Printer 1,  kwishyurirwa Internet ndetse no gutanga inyunganizi y'umushahara uzahabwa umukozi ushinzwe ikusanyamakuru (DHO) muri buri Poste de Sante mu gihe cy'imyaka 3.

4. Umuyobozi w'Akarere wungirije ushinzwe imibereho myiza Denise Dusabe yatangije inama nyunguranabitekerezo ku mushinga GEWEP (Gender Equality and Women Empowerment Project) ku bufatanye na RWAMREC yari ihagarariwe na KAMUNGU Bernadette, Project coordinator w'umushinga GEWEP III muri RWAMREC.

Amahugurwa yari agamije ubukangurambaga bwo kurwanya ihohoterwa rishingiye ku gitsina, kwimakaza ihame ry'uburinganire n'ubwuzuzanye mu muryango ndetse  no guharanira iterambere ry'umugore umugabo abigizemo uruhare.

Iyi nama yitabiriwe na:

- Abafatanyabikorwa batandukanye bo muri uwo mushinga

- Abanyamabanga Nshingwabikorwa b'Imirenge umushinga ukoreramo

- JADF Officer

- Uhagarariye NWC

- Abakozi ba RWAMREC

- Abahagarariye amadini n'amatorero

- Abayobozi b'imidugudu bagarariye abandi

- Abaharanira impinduka.

5. Abagize Inama y'Umutekano itaguye y'Akarere ka Gisagara bakomeje gahunda yo gusura Imirenge, baganira n'abayobozi bahagarariye abaturage kugera ku Mudugudu na Opinion Leaders, babibutsa inshingano zabo, cyane cyane iyo kwita ku muturage, kumukemurira ibibazo, umutekano we n'ibintu bye no kumufasha mu rugendo rw'iterambere n'imibereho myiza.

Nyuma ya Muganza, Mugombwa, Mukindo, Save, Kibilizi na Kansi, uyu munsi bagiranye inama n'abo mu Mirenge ya Nyanza na Kigembe.

VM ED Jean Paul Habineza ari kumwe n'Umuyobozi w'Ingabo mu Karere yaganiriye n'ab'Umurenge wa Nyanza mu gihe VM AFSO Denise Dusabe ari kumwe n'Umuyobozi wa RIB ku Karere bagiranye inama n'ab'Umurenge wa Kigembe.

VM ED n'abo bari kumwe basuye ikigo cy'amashuri cya EP Ruhoro aho mu Murenge wa Nyanza babakangurira ireme ry'uburezi no kwita ku isuku. VM AFSO we n'abo bari kumwe, nyuma y'inama, basuye ikigo nderabuzima cy'Agahabwa cyo mu Murenge wa Kigembe bareba aho imirimo yo kugisana igeze. Basanze igenda neza, batanga inama z'ibyanozwa kugira ngo koko kizabe kibereye gutanga serivisi z'ubuzima.

Murakoze

Bimwe mu bikorwa byaranze Akarere ka Gisagara kuri uyu wa 14 Ugushyingo 2024:

1. Mu gitondo, mu Murenge wa Ndora mu Kagari ka Dahwe kuri site ya Kigarama hatangirijwe umushinga ugamije guteza imbere uruhererekane nyongeragaciro ku gihingwa cy'Avoka ushyirwa mu bikorwa n'Umuryango Nyafurika Uharanira iterambere ry'ubuhinzi AGRA ku bufatanye na  HoReCo. Hatewe ibiti by'Avoka 20,350.

Mu gutangiza iki gikorwa,VM ED Jean Paul Habineza yashimiye cyane abo bafatanyabikorwa, asaba abaturage gusigasira ibiti by'Avoka byatewe kuko bizabagirira umumaro ukomeye mu bukungu (ishoramari) ndetse n'imibereho myiza.

Uyu mushinga biteganyijwe ko uzamara imyaka 3, ukaba ukorera mu Turere twa Gisagara, Nyaruguru, Rulindo, Gakenke na Burera, ukaba ugamije kongera ubuso buhingwaho Avoka hagamijwe isoko mu gihugu no hanze yacyo.

2. Abagize Inama y'Umutekano itaguye y'Akarere ka Gisagara bakomeje gahunda yo gusura Imirenge, baganira n'abayobozi bahagarariye abaturage kugera ku Mudugudu na Opiom Leaders, babibutsa inshingano zabo, cyane cyane iyo kwita ku muturage no kumukemurira ibibazo.

Umuyobozi w'Akarere Jerome Rutaburingoga yasuye abo mu Murenge wa Save, VM ED Jean Paul Habineza yaganiriye n'ab'Umurenge wa Kibilizi mu gihe VM AFSO Denise Dusabe yagiranye inama n'ab'Umurenge wa Kansi.

Hose bafatanyije n'abayobozi b'inzego z'Umutekano ku rwego rw'Akarere.

VM AFSO, mbere y'inama n'abayobozi bahagarariye abaturage na Opinion Leaders yabanje gusura bimwe mu bikorwa bigari by'Akarere bikorerwa mu Murenge wa Kansi, aho yasuye iteme ry'Akaboti ririmo kubakwa n'Akarere.

3. Ku gicamunsi, VM AFSO ari kumwe na RF CO mu Karere, Dir Educ mu Karere, ES Kansi basuye Ikigo cya ES Kansi baganira ku myigishirize no gukurikirana imibereho y'abana.

Nyuma, VM AFSO ari kumwe Padiri ushinzwe uburezi muri Diyosezi Gatorika ya Butare, Dir Educ mu Karere, ES Kansi Sector basuye ikigo cy'amashuri cya GS Kansi baginira n'abarezi babakangurira gushyira imbaraga  mu myigishirize, bifasha abana kugira uburezi bufite ireme.

Banaganiriye by'umwihariko n'ubuyobozi bw'ikigo ku mikorere n'imikoranire hagamije umusaruro mwiza mu burezi n'imiyoborere myiza mu kigo.

VM AFSO yaboneyeho asura imirima y'imboga zunganira abanyeshuri mu mirire.

Murakoze

Bimwe mu bikorwa byaranze Akarere ka Gisagara kuri uyu wa 13 Ugushyingo 2024:

1. Mu gitondo, 09h00-10h00, Umunyamabanga Nshingwabikorwa w'Akarere Carine Uwamahoro yayoboye inama ngufi y'abakozi bakorera ku Karere HQs (Morning Brief) yibanze ku bikorwa 2:

- Audit irimo gukorwa na OAG

- Kwitegura isuzuma ry'ishyirwa mu bikorwa ry'imihigo 2024-2025 rizakorwa n'Intara y'Amajyepfo mu Karere kacu kuwa mbere 18/11/2025

2. Umuyobozi w'Akarere Jerome Rutaburingoga ari kumwe n'Umuyobozi w'Akarere wungirije ushinzwe Imibereho Myiza Denise Dusabe yakiriye itsinda ry'abakozi b'Ikigo cy'Igihugu gishinzwe imikurire no kurengera umwana riyobowe na Bwana NZABAGERAGEZA Bercar, bari kumwe n'Umukozi wa UNICEF Ushinzwe kurinda no kurengera umwana Madamu BASABE Françoise baje mu gikorwa cyo Gukurikirana ibikorwa by'Inshuti z'Umuryango (Monitoring of  IZU activities).

Abashyitsi bagaragarijwe ishusho n'uruhare rw'Inshuti z'Umuryango mu gukemura ibibazo bibangamiye imibereho myiza y'umwana.

Bari kumwe na VM AFSO basuye Umurenge wa Mukindo, bagirana ibiganiro n'abakozi b'Umurenge n'inshuti z'umuryango, barebera hamwe ibikorwa by'Inshuti z'Umuryango, imbogamizi n'icyakorwa hagamijwe kunoza imikorere yabo itanga umusaruro mwiza.

Inama yitabiriwe na:

- Umuyobozi w'Akarere wungirije ushinzwe Imibereho Myiza

- Umunyamabanga Nshingwabikorwa w'Umurenge n'abakozi b'Umurenge n'Utugari

- Umukozi ushinzwe kurinda no kurengera umwana mu Karere

- IZU Coordinators ku Murenge no ku Kagari

- Uhagarariye abafite ubumuga mu Murenge

Hasuwe umuryango wa Malayika Murinzi NYIRANEZA Liberatha wakiriye umwana utari uwabo bakamurera. Hanasuwe umuryango wa BAHIGIRORA Jean de Dieu na NYIRAMAJYAMBERE Marie Josee bafashimjwe na IZU kuva mu makimbirane bari bamazemo imyaka 7, ubu bakaba babanye neza.

3. VMED yakiriye itsinda rya AGRA na HORECO ryaje mu gikorwa cyo gutangiza umushinga wo gutanga ibiti by'imbuto (avoka) ku rubyiruko, mu rwego rwo kubunganira guhanga imirimo binyuze mu buhinzi bwa avoka.

Igikorwa cyakomereje Gikonko aho abahagarariye AGRA, RAB, RICA, HORECO n'Akarere bakurikiranye itangwa ryazo.

Hatanzwe ingemwe 4150. Igikorwa kizakomeza ejo NDORA, KIBIRIZI, KANSI, KIGEMBE, MUKINDO na MUGOMBWA.

4. Abagize Komite Nyobozi y'Akarere batangiye gahunda yo kumanuka mu Mirenge kuganira n'abayobozi bahagarariye abaturage mu nzego zitandukanye mu rwego rwo kubibutsa inshingano. Biteganyijwe ko bazazenguruka Imirenge yose babakangurira iterambere ry'umuturage.

Inshingano 3 z'ingenzi bibukijwe zose zishingiye ku mahitamo y'igihugu cyacu y'ubuyobozi bwiza:

- Gumukemura ibibazo by'abaturage

- Guherekeza umuturage mu iterambere n'imibereho myiza

- Umutekano w'umuturage ubwe n'ibye.

Uyu munsi Umuyobozi w'Akarere yaganiriye n'abo mu Murenge wa Muganza, VM ED Jean Paul Habineza aganira n'abo mu Murenge wa Mugombwa mu gihe VM AFSO yagiranye ibiganiro n'abo mu Murenge wa Mukindo.

Gahunda irakomeje ejo kuwa kane

5. Ku bufatanye na Minisiteri y'Urubyiruko n'iterambere ry'ubuhanzi habaye amarushanwa ya Youth Connekt Award 2024.

Kuruhande rwa Minisiteri hari hitabiriye abakozi 2 ari bo MUNYARUGERO Christophe na UWIMBABAZI ZAWADI. Bafatanyije na Team y'Akarere gukurikirana ayo marushanwa.

Hitabiriye urubyiruko 31 baturutse Mu Mirenge yose igize Akarere, bari mu byiciro bitandukanye :

- Agriconnekt : 9

- Manifacturing : 6

- Art Connekt : 2

- Icyiciro cy'Abagore : 7

- Icyiciro cy'abafite ubumuga: 3

- ICT : 1

Bose hamwe bakaba ari 31 kuri 32 bari bateganyijwe.

Minisiteri izatangaza amanota nyuma y'icyumweru kimwe.

Murakoze

Bimwe mu bikorwa byaranze Akarere ka Gisagara kuri uyu wa 12 Ugushyingo 2024:

1. Mu gitondo, 07h00-08h30, hirya no hino mu Mirenge n'ibigo binyuranye habaye ibikorwa by'igitondo cy'isuku.

2. Umuyobozi w'Akarere yakiriye mu biro bye Umuyobozi wa WFP mu Rwanda aje guteguza uruzinduko rw'Umuyobozi Mukuru wa WFP ku isi mu rwego rwo kureba ibikorwa WFP ikorera mu Rwanda, akaba azanasura Akarere ka Gisagara.

3. VMED Jean Paul Habineza yakiriye itsinda rigize urubuga Ngishwanama rw'Inararibonye z'uRwanda (Rwanda Elder Advisory Forum) rigizwe na Honorable MUGESERA Antoine (Team Leader), Honorable Alphonse K.Mukama na Honorable MUKASONGA Solange;

Itsinda rikaba ryaje gusura ibikorwa by'umushinga wa FLR Mayaga/Green Amayaga,ibikorwa by'ubuhinzi bw'Umuceri hamwe n'uruganda rutunganya umusaruro w'umuceri rwa Gikonko (Gikonko Rice).

4. Hbaye inama yo gutegura icyumweru cyahariwe kwimakaza ihame ry'uburinganire (Gender Accountability Day), iyoborwa n'Umuyobozi rw'Akarere wungirije ushinzwe Imibereho myiza DUSABE Denise.

Inama yahuje Abafatanyabikorwa bw'Akarere n'abakozi b'Akarere bo mu ishami ry'ubuzima n'imiyoborere myiza.

Abitabiriye inama bagejejweho Ibikorwa biteganyijwe kuzakorwa muri GAD kuva ku itariki ya 25/11-05/12/2024, nyuma yo kungurana ibitekerezo bafata ingamba z'uburyo icyo cyumweru kizagenda neza.

5. Mu rwego rwo kuganira n'abaturage no gukemura ibibazo abaturage baba bafite, mu Tugari twose mu Karere ka Gisagara habaye inteko z'abaturage. Abagize Komite Nyobozi bitabiriye inteko z'abaturage ku buryo bukurikira:

- Umuyobozi w'Akarere Jerome Rutaburingoga yasuye abaturage bo mu Kagari ka Nyeranzi mu Murenge wa Gishubi

- VM ED Habineza Jean Paul yagiye mu Kagari ka Kibayi mu Murenge wa Mugombwa

- VM AFSO Denise Dusabe yitabiriye inteko y'abaturage mu Kagari ka Ruturo mu Murenge wa Kibilizi. Yaboneyeho asura ikigo cy'amashuri cya EP Muyira, abakangurira kwita ku bana cyane, by'umwihariko kwita kw'isuku.

Murakoze

Bimwe mu bikorwa byaranze Akarere ka Gisagara kuri uyu wa 11 Ugushyingo 2024:

1. Umuyobozi w'Akarere ka Gisagara Jerome Rutaburingoga yayoboye inama yahuje Komite Nyobozi n'Abayobozi b'amashami yibanze ku kurebera hamwe ibibazo byaba biri mu mihigo 2024-2025 no mu bindi bipimo ndetse n'icyakorwa kugira ngo bikemuke.

2. Ku gicamunsi, mu Karere ka Gisagara hatangiye ubugenzuzi bw'Imari ya Leta bukorwa na Office of Auditor General - OAG (ku rwego rw'Igihugu).

Inama itangiza yabaye hifashishijwe Video Conferencing System, ihuza Umuyobozi wari Kigali, Team yaje ku Karere, Komite Nyobozi y'Akarere na bamwe mu bakozi b'Akarere.

Murakoze