Kuri uyu wa 30 Gicurasi 2025 Akarere ka Gisagara karanzwe n'ibikorwa binyuranye. Tunejejwe no kubagezaho bimwe mu bikorwa binyuranye byaranze Akarere.

1. Umuyobozi w'Akarere wungirije ushinzwe iterambere ry'ubukungu Jean Paul Habineza yitabiriye inama ya MIFOTRA yateguwe n'Intara y'Amajyepfo yayobowe na Guverineri wayo Alice Kayitesi, igamije kungurana ibitekerezo ku ihangwa n'ikorwa ry'umurimo unoze  ku rwego rw'Intara y'Amajyepfo.

Iyi nama ikaba yitabiriwe n'ibyiciro by'abakozi n'abayobozi b'ibigo binyuranye bikorera mu Turere twose tugize Intara y'Amajyepfo.

2. Intumwa za rubanda mu mutwe w'abadepite, ziyobowe na VP w'umutwe w'abadepite Hon. Dep. Beline Uwineza ari kumwe na Hon. Dep. Uwumuremyi Marie Claire na Hon. Dep. Jean Rene Niyorurema, bakomeje uruzinduko mu Karere ka Gisagara.

Uyu munsi basuye abaturage b'Umurenge wa Save, mu gitondo baganira n'abayobozi bahagarariye abaturage, banasura ahatangirwa serivisi, ku gicamunsi bagirana ibiganiro bitaziguye n'abaturage mu nteko y'abaturage.

3. Mu gitondo habaye inama ngufi y'abakozi b'Akarere bakorera ku HQs (Morning Brief) iyobowe n'Umuyobozi Mukuru ushinzwe imirimo rusange mu Karere. Inama yibanze kw'ishiyirwa mu bikorwa ry'imihigo 2024-2025 n'uruzinduko rw'abadepite mu Karere kacu (28/05/2025-04/06/2025) n'ibindi bikorwa byihutirwa.

4. Umufatanyabikorwa FXB Rwanda mu mushinga FXBVillage TLF wagaragarije ubuyobozi bw'Uturere twa Gisagara na Nyaruguru ibyavuye mu bushakashatsi bugaragaza aho bamaze kugeza baturage mu gihe cy'umwaka n'igice bamaze babafasha mu rugendo rwo kwivana mu bukene.

Iyi nama yitabiriwe n'Umuyobozi w'Akarere ka Nyaruguru ari kumwe n'Umuyobozi Mukuru ushinzwe imirimo rusange mu Karere ka Gisagara n'umuhuzabikorwa wa FXB Rwanda ku rwego rw'igihugu.

Yitabiriwe kandi n'abayobozi b'amashamimy'imirimo n'abayobozi b'imirenge n'Utugari uwo mushinga ukoreramo muri utwo Turere twombi.

5. Umuyobozi w'Akarere wungirije ushinzwe iterambere ry'ubukungu Jean Paul Habineza yayoboye inama yahuje Abacungamutungo ba SACCOs n'itsinda ryavuye muri BRD riyobowe  bwana Rurangawa Steeven mu rwego rwo gusobanura amahirwe CDAT iha abahinzi n'aborozi binyuze muri SACCO.

Umuyobozi w'inama yashimiye abitabirite inama, asaba Abacungamutungo ba SACCOs gufasha abahinzi n'aborozi kubona izo nguzanyo kuko  zizaba ziri ku kiguzi gito (interest rate). 
Inguzanyo zizajya zisabwa na SACCO muri BRD ku kiguzi cya 4.5% ikazajya yishyurwa muri myaka 13

6. Ibigo by'amashuri byo mu Karere ka Gisagara, munrwego rw'Imirenge yabyo, byakoze igikorwa cyo kwibuka ku nshuro ya 31 jenoside yakorewe Abatutsi mu 1994, by'umwihariko abanyeshuri n'abarezi bazize jenoside yakorewe Abatutsi.

Murakoze