1. Mu gitondo, 07h00-08h30, mu Mirenge yose n'ibigo binyuranye habaye i ibikorwa by'igitondo cy'isuku.

2. Umuyuyobozi w'Akarere wungirije ushinzwe imibereho myiza y'abaturage Denise Dusabe ari kumwe n'umukozi ushinzwe ubuzima no gukumira indwara z'ibyorezo yakiriye bwana MANIRAFASHA Jean de la Paix umukozi waturutse muri MoH/RBC ushinzwe Akarere ka Gisagara mu kurwanya Malaria ari kumwe na Edith KAYITESI umukozi wa RICH.

MANIRAFASHA aje gukorera mu Karere ka Gisagara mu gukurikirana gahunda yo kurwanya no gukumira Malaria

3. VMED Jean Paul Habineza yayoboye inama yahuje Ubuyobozi bwa RNDP (Rwanda National Dairy Platform) ku rwego rw'igihugu, Manager wa MCC (Milk Collection Center) na Komite y'Akarere y'Ihuriro ry'aborozi b'inka zitanga umukamo.

Habayeho guhugura Komite yo ku rwego rw'Akarere, basobanurirwa inshingano zabo, basabwa kuzishyira mu bikorwa kandi bemererwa ubufatanye n'Ubuyobozi bw'Akarere ndetse n'ubw'Ihuriro ku rwego rw'igihugu hagamijwe guha ingufu uruherekane nyongeragaciro rw'amata mu Karere ka Gisagara.

4. Umuyobozi w'Akarere wungirije ushinzwe iterambere ry'ubukungu HABINEZA Jean Paul yatangije inama yo gutangiza porogaramu y'ubujyanama mu kwiteza imbere mu rubyiruko, akaba yari n'umushyitsi mukuru.

Iyo nama yateguwe ku bufatanye na Young Women Christian Association (YWCA) yari ihagarirwe na Madamu UMUHOZA Claudine, ushinzwe ibikorwa mu Karere ka Gisagara, Ikaba yitabiriwe na:
- Abafashamyumvire mu iterambere ry'urubyiruko
- Urubyiruko rwiteje imbere
- Abayobozi ba SACCOs n'ibigo by'imari
- Uhagarariye BDF Gisavara
- Bamwe mu bakozi b'Akarere.

Urubyiruko rwagaragaje bimwe mu bikorwa bakora ndetse n'imbogamizi bahura nazo zidindiza iterambere ryabo, urubyiruko rwiteje imbere narwo rutanga ubuhamya ku rugendo rw'iterambere.

Ibigo by'imari byagaragarije urubyiruko serivisi batanga n'amahirwe ahari byafasha urubyiruko kwiteza imbere, barushishikariza kugana ibyo bigo, bagafata inguzanyo, bagakora bakiteza imbere.

5. Ku gicamunsi, mu Tugari twose habaye inteko z'abaturage. Ku rwego rw'Akarere yabereye mu Murenge wa Gishubi mu Kagari ka Nyakibungo, aho yitabiriwe na VM AFSO Denise Dusabe, naho VM ED Jean Habineza yitabiriye inteko y'abaturage mu Kagari ka Muganza mu Murenge wa Muganza.

6. Mu gutangiza icyumweru cyahariwe kwimakaza ihame ry'uburinganire "Gender Accountability Day" no gukomeza ubukangurambaga bw'iminsi 16 yahariwe kurwanya ihohotera rishingiye ku gitsina, mu nteko y'abaturage i Gishubi, hasezeranye imiryango 44 yabanaga binyuranye n'amategeko. Umushyitsi mukuru muri ibi birori yari VM AFSO Denise Dusabe.

Umunyamabanga Nshingwabikorwa w'Umurenge amaze kubibutsa ibyo amategeko ategeka abashyingiranywe no gusezerana, VM AFSO Denise Dusabe yabasabye kubana neza, bakajya inama ku gikwiye mu muryango wabo no kuboneza urubyaro kugira ngo bagere ku iterambere rirambye.

7. Umuyobozi w'Akarere wungirije ushinzwe iterambere ry'Ubukungu HABINEZA Jean Paul yakiriye itsinda ryo muri Hong-kong na AEE riyobowe na Prof Dr Stephen.

Intego y'uruzinduko: Iri tsinda ryari rije guha amashanyarazi akomoka ku mirasire y'izuba ku bagenerwabikorwa bo mu Mirenge ya Kigembe, Kibirizi na Save.

VM ED yabagaragarije ishusho rusange y'Akarere ka Gisagara n'aho Akarere kageze mu guha abaturage amashanyarazi afatiye ku muyoboro mugari ndetse no ku mirasire y'izuba, aho ubu Akarere kageze kuri 69,47% (Ongrid 47.35%, Offgrid 22.12%).

Nyuma iri tsinda ryasuye umudugugu wa Akirasaniro mu Kagali ka Muyira mu Murenge wa Kibirizi, hamwe muhazatangwa imirasire y'izuba.

Murakoze