1. Habaye inama y'abakozi iyobowe n'Umuyobozi w'Akarere Jerome Rutaburingoga ari kumwe na VM ED Jean Paul Habineza.
Inama yitabiriwe na:
- Abakozi bakorera ku Karere HQs
- Abakozi bashinzwe ubworozi n'abashinzwe ubuhinzi mu Mirenge
- Abayobozi b'amakoperative akora ibikorwa by'ubuhinzi n'ubworozi
- Abantu cg Koperative bafite inganda zitunganya umusaruro wa kawa
- Abafatanyabikorwa bafasha mu bikorwa byo gufasha abaturage mu rugendo rwo kwikura mu bukene (graduation).

Inama yasuzumye ingingo zikurikira:
- Imyiteguro ya evaluation y'imihigo 2023-2024
- Graduation
- Imyiteguro y'igihembwe cy'ihinga B2024
- Gufata neza Kawa

2. VM ED HABINEZA Jean Paul yakiriye abagenzuzi b'uburezi baturutse muri NESA, RTB na REB, baganira ku gikorwa cy'ubugenzuzi  baje gukora mu Karere ka Gisagara buzamara iminsi 10 aho amashuri 40 azasurwa.

Ubugenzuzi buzibanda ku miyoborere y'amashuri,
ikoranabuhanga mu burezi, gahunda yo kugaburira abanyeshuri ku ishuri, gukumira abana bata amashuri ndetse n'ingamba zo kugabanya abasibira, isuku n'isukura.

Igikorwa cyatangiriye mu Murenge wa Save kikazakomereza mu yindi Mirenge yose igize Akarere ka Gisagara.

3. Habaye inama ngarukakwezi yahuje Umuyobozi w'Akarere, VM ED na CSOs zikurikirana imiryango iri mu rugendo rwo kwikura mu bukene.

Iyo nama yanitabiriwe n'abayobozi b'amashami, Abakozi ku rwego rw'Akarere n'urw'Imirenge n'abayobozi ba koperative z'ubuhinzi n'ubworozi mu Karere.

Muri iyo nama hagaragajwe imiryango yamaze kuzuza ibyo yari ikeneye (5571), isigaje bibiri (2) ngo isoze urugendo n'ikeneye kwitabwaho ku buryo bwihariye.

Umuyobozi w'inama yasabye ko buri wa mbere hazajya hatangwa raporo y'ishusho nshya kuri iyo miryango.

4. VM AFSO Denise Dusabe yitabiriye inama y'Intara y'Amajyepfo yahuje MINEDUC, ubuyobozi bw'Intara n'Uturere n'abafatanyabikorwa b'umushinga wa Zero Out-Of-School Children n'izindi nzedo.

Ni inama yateguwe na MINEDUC ku bufatanye na Save the Children Rwanda hagamijwe kungurana ibitekerezo ku nshingano z'abafatanyabikorwa kugira ngo uyu mushinga uzagere ku ntego zawo.

Inama yabereye ku kicaro cy'Intara mu Karere ka Nyanza, yayobowe n'Umunyamabanga Nshingwabikorwa w'agateganyo w'Intara.

5. Abagize Komisiyo y'imibereho myiza y'abaturage mu Nama Njyanama y'Akarere ka Gisagara basuye Umurenge wa Ndora hagamijwe:
- Ibiganiro n'abaturage bari muri graduation 
- Ibiganiro n'abajyanama b'ubuzima ku gukumira no  kurwanya malnutrition
- Gusura ikigo nderabuzima mu rwego rwo kuganira kuri serivisi  zihatangirwa, status y'imirire mibi n'igwingira mu bana.

6. Itsinda ryaturutse muri ZOE Rwanda riyobowe na Madamu MUJAWIMANA Epihanie, Umuyobozi wa ZOE Rwanda bari kumwe n'abashyitsi baturutse muri ZOE USA baje gusura amatsinda 3 y'abana n'urubyiruko bafasha binyuze muri ZOE Rwanda.

Aya matsinda yahuguwe kuri gahunda yo kwihaza mu biribwa, bagaragaza inzozi bafite muri gahunda yo kwiteza imbere. Bahawe imyayi y'imboga izabafasha guhinga imboga ndetse biyemeza guhinga no gukora uturima tw'igikoni, gushaka ifumbire ndetse no gukurikirana ibihingwa byabo kugira ngo bizatange umusaruro mwiza.

7. Ikipe y'Abafite ubumuga ya sitting volleyball y'Akarere ka Gisagara ubu igeze Addis Ababa yerekeza i Cairo mu Misiri aho igiye guhagararira u Rwanda mu marushanwa y'Amakipe yabaye aya mbere iwayo. Biteganyijwe ko igerayo 00h30.

Murakoze