1. Mu gitondo, 09h00-10h30, habaye inama ngufi y'abakozi bose bakorera ku Karere HQs (Morning Brief) iyobowe n'Umunyamabanga Nshingwabikorwa w'Akarere Carine Uwamahoro, ikaba yitabiriwe by'umwihariko na VM ED Jean Paul wasabye abakozi kongera imbaraga n'umuvuduko mu byo dukora kandi buri gikorwa mu gihe cyacyo.

Ingingo zaganiriweho:
- Imihigo 2024-2025 yaba ifite ibibazo
- Isuku n'isukura
- Imishinga n'ibikorwa birimo gukorwa n'ishyirwa mu bikorwa by'ingengo y'imari 2024-2025

2. Muri gahunda yo gukurikirana ishyirwa mu bikorwa ry'imishinga migari, Umunyamabanga Nshingwabikorwa w'Intara y'Amajyepfo Vedaste Nshimiyimana ari kumwe na VM ED Jean Paul Habineza basuye umushinga wo gutunganya igishanga cya Nyiramageni gihuriweho n'Uturere twa Gisagara na Nyanza gitunganywa ku bufatanye na SAPMP na SPIU/RAB na KOICA_Rwanda ku nkunga y'igihugu cya Corea.

Gutunganya iki gishanga cya 600Ha (330Ha muri Gisagara na 270 muri Nyanza) bizongera ubuso buhingwaho umuceri, bahinga ibihembwe byombi, kandi birwanye isuri yavaga ku misozi ikangiza igishanga. Bizanagabanya amazi y'uruzi rw'Akanyaru yabaga menshi akangiza ibihingwa.

Bashimye cyane aho umushinga ugeze ushyirwa mu bikorwa, basaba abarimo kubikurikirana gukora ibishoboka byose ibikorwa bikaranbirira igihe cyagenwe.

3. VM ED Jean Paul Habineza yayoboye inama ya Economic Cluster hasuzumwa aho imihigo 2024-2025 ibarizwa muri iyo nkingi igeze ishyirwa mu bikorwa, ibibazo bihari n'uburyo byakemuka.

4. VM AFSO Denise Dusabe yagiranye inama n'ishami ry'ubuzima yasuzumaga aho imihigo yo muri iryo shami ry'ubuzima igeze ishyirwa mu bikorwa

5. Itsinda ryaturutse mu Karere ka Kamonyi ryasuye Urwibutso rw'Akarere rwa Genocide yakorewe Abatutsi mu 1994 rwa Kabuye ruri mu Murenge wa Ndora mu rwego rwo kwigiranaho ngo bibahe ibitekerezo nabo ku rwibutso bateganya kubaka muri Kamonyi.

Itsinda ryakiriwe na VM AFSO Denise Dusabe, nyuma basuye urwibutso, bareba ibice bigize inyubako ndetse n'uburyo ikoreshwa. Banasobanuriwe mu ncamake amateka yaranze Genocide yakorewe Abatutsi mu 1994 mu Karere ka Gisagara.

6. Kuri kino gicamunsi guhera saa cyenda, Team ya RBC iyobowe na Dr. Albert TUYISHIME, akaba umuyobozi wa Deparitoma (Department) ishinzwe ubuvuzi bw'ibanze no gukurikirana ibyorezo no kubirwanya basuye Akarere kacu, bakirwa na VM AFSO Denise Dusabe ari kumwe na ba DGs b'ibitaro byombi (Gakoma na Kibilizi) bari baje kurebe uko Akarere gahagaze mu kurwanya indwara z'ibyorezi, cyane cyane Iseru na Malariya ziri kugaragara mu Karere ka Gisagara.

Habayeho gusura umujyanama w'ubuzima ukorera mu Murenge wa Kibilizi mu Mudugudu wa Mbeho, harebwa uburyo avura izo ndwara zirimo gukurikiranwa mu Karere.

Nyumaha habaye ibiganiro bihuza iyo team n'abakozi b'ibitaro bya Kibilizi.

7. Uyu munsi kandi hatashywe ku mugaragaro amazu 2 yubakiwe abatishiboye ku nkunga y'umufatanyabikorwa RDIS aherereye mu Murenge wa Ndora.

Abagenerwabikorwa banahawe umurasire w'izub,  matelas yo kuraraho, bubakiwe rondereza ndetse banahabwa ibyo kurya by'ibanze.

8. Ku bufatanye bw'Inama y'Igihugu y'Urubyiruko mu Karere, Police na YEGO Center, mu Murenge wa Gishubi hatangirijwe inteko rusange y'Urubyiruko ku rwego rw'Imirenge, hakaba hatanzwe ibiganiro bigamije gukangurira urubyiruko kubyaza umusaruro amahirwe igihugu ndetse n'Akarere byabashyiriyeho no kugira uruhare mu mihigo y'inzego z'Urubyiruko.

Murakoze