Ubuyobozi bw'Akarere burabagezaho bimwe mu bikorwa bigari byaranze Akarere ka Gisagara kuri uyu wa 19 Gicurasi 2025.

1. Mu gitondo, 08h00-09h30, habaye inama ya JOC yaguye yayobowe n'Umuyobozi w'Akarere wungirije ushinzwe iterambere ry'ubukungu Jean Paul Habineza, yitabiriwe na:
- Komite Nyobozi y'Akarere
- Abayobozi b'inzego z'umutekano ku Karere
- Abanyamabanga Nshingwabikorwa b'Imirenge
- Bamwe mu bakozi b'Akarere barebwa n'ingingo zaganiriweho.

Ingingo zaganiriweho:
- Umutekano muri rusange
- HSIs
- Tubagororere mu muryango

2. Hifashishijwe uburyo bwa Video Conferencing System, 10h00-12h30, Komite Nyobozi y'Akarere, abayobozi b'inzego z'umutekano, Abanyamabanga Nshingwabikorwa b'Imirenge na bamwe mu bakozi b'Akarere bitabiriye inama y'Intara y'Amajyepfo yayobowe na Guverineri Alice Kayitesi, ikaba yibanze kuri Profiling nshya ya HSIs.

3. Itsinda ryaturutse muri RBC, riyobowe na Dr. Emmanuel HAKIZIMANA, Umuyobozi ushinzwe kugenzura ibitera Malariya, hamwe n’itsinda RICH, riyobowe na Bwana KANEZA Narcisse, Umuhuzabikorwa w’Intara, ndetse n’umukozi wa OMS Bwana Jules MUGABO, PHO ushinzwe Malariya / NTD, bagiranye inama n’umuyobozi w’Akarere wungirije ushinzwe imbereho myiza y’abaturage uyu munsi ku kicaro cy’Akarere ka Gisagara, hamwe n’abandi bitabiriye harimo umuhuzabikorwa wa Malaria muri Gisagara, DHU n’abakozi ba RICH aho inama yibanze ku gutegura igikorwa cy’ubushakashatsi bwimbitse ku gitera malariya muri Gisagara ndtsetse hanarebwa isano byaba fitianye n’imibereho y’abaturage muri rusange.

Icyo gikorwa giteganijwe gutangira ejo taliki ya 20 kugeza kuwa gatanu taliki ya 23 Gicurasi 2025.
Inama yagenze neza.

4. Umuyobozi w'imirimo Rusange mu Karere Bwana HUNDWITIRO Hermenegilde ari kumwe n'umukozi wa NESA batangije kumugaragaro ibizamini ngiro bisoza amashuri ya tekinike n'ubumenyingiro 2024/2025. Ibizamini bizasozwa kuwa 06/06/2025.

Murakoze