1. Hashojwe umwiherero w'iminsi 2 (17-18/07/2024) wahuje Umunyamabanga Nshingwabikorwa w'Akarere, Umuyobozi Mukuru w'Imirimo Rusange mu Karere Hundwitiro Hermenegilde, Abayobozi b'amashami y'imirimo ku Karere n'abakozi bose barebwa n'ishyirwa mu bikorwa ry'inama zatanzwe n'umugenzizi bwite w'imari ya Leta wari uyobowe n'Umunyamabanga Nshingwabikorwa w'Akarere Carine Uwamahoro.
By'umwihariko uyu munsi witabiriwe n'Umuyobozi w'Akarere Jerome Rutaburingoga.

Icyo yari igamije: Kurebera hamwe ishyirwa mu bikorwa ry'inama zatanzwe n'umugenzuzi bwite w'imari ya Leta ku bugenzuzi bwakorewe Akarere ka Gisagara mu mwaka w'ingengo y'imari wa 2022-2023.

2. VM ED HABINEZA Jean Paul yakiriye itsinda ryaturutse muri PROFEMMES TWESE HAMWE ryari riyobowe na Madame UYISENGA Anne Marie, Business Development and Employment Specialist mu mushinga VIBE Value Added Initiative to Boost Employment ku nkunga ya Mastercard Foundation.

Uwo mushinga uzakora ibikorwa byo gufasha abagore, urubyiruko n'abafite ubumuga muri gahunda yo guhanga umurimo hibandwa mu kongerera agaciro umusaruro w'ubuhinzi n'ubworozi ndetse no kubafasha mu rugendo rwo gushaka ubuziranenge bw'ibyo bakora.

3. Umufatanyabikorwa World Vision Rwanda  biciye muri Mwanukundwa Association batanze impuzankano ku banyeshuri basaga 300 biga mu mashuri abanza mu kigo cy'amashuri cya GS Rubona giherereye mu Kagari ka Rubona mu Murenge wa Kigembe.

Worl Vision yatanze kandi inkunga y'amabati yo gusakarira imiryango 14 yasenyewe n'ibiza ndetse n'imiryango 513 yari ifite ubwiherero budasakaye n'amasabune yo kubafasha kunoza isuku.

Murakoze