1. Ihuriro ry'abagize Inteko Ishinga Amategeko rikumira ihakana n'ipfobya bya jenoside yakorewe Abatutsi mu 1994 AGPF  rihagarariwe na Hon. Sen. Mugisha Alexis na Hon. Depite Ahishakiye Mediatrice ryatanze  ikiganiro ku mateka ya jenoside yakorewe Abatutsi na Ndi umunyarwanda ku rubyiruko 144 ruhagarariye abandi ruturutse mu byiciro bitandukanye mu Mirenge yose mu Karere ka Gisagara.

Ni mu rwego rwo gukangurira urubyiruko kurushaho kumenya ukuri kuri jenoside yakorewe Abatutsi no kugira uruhare mu gukumira no kurwanya ingengabitekerezo ya jenoside, ihakana n'ipfobya bya jenoside yakorewe Abatutsi .
 
Ibi biganiro byabereye muri Gisagara Arena, biyoborwa n'Umuyobozi w'Akarere Jerome Rutaburingoga. Bikaba byitabiriwe n'aba bakurikira:
- Umuyobozi w'Akarere ka Gisagara
- Bamwe mu bakozi b'Akarere
- Komite y'Inama ya NYC committee  ku Karere
- Abahagarariye NYC Committee ku Mirenge (2 mu Murenge)
- Abahgarariye NYC Committee ku Kagali (1 ku Kagari)
- Abahagarariye Koperative z'Abanyonzi 10
- Abahagarariye koperative z'abamotari 10
- Abahagarariye Koperative z'Urubyiruko 13 

Urubyiruko rwatanze ibitekerezo n'ibyifuzo, babaza ibyo batari basobanukiwe neza ku buryo rwatashye runyuzwe n'ikiganiro, rukiyemeza kwegera bagenzi babo bakabaha uubutumwa, dore ko abenshi bavutse nyuma ya jenoside yakorewe Abatutsi mu 1994.

2. Mu busitani bw'Ibitaro by'Akarere bya Kibilizi habereye ibirori byo kwizihiza Umunsi mukuru w'Abarwayi, Ibirori byayobowe na DG w'Ibataro Dr MBAYIRE Vedaste.

Ibirori byabimburiwe n'igitambo cya Misa cyayobowe na Padiri mukuru wa Paruwasi Gaturika ya Kibilizi RUSENGE Germain. Habayeho ibikorwa byo kugaburira abarwayi, kubaha impano no kubahumuriza, babizeza ko bazakira.

Murakoze