1. Komite Nyobozi y'Akarere n'Abanyamabanga Nshingwabikorwa b'Imirenge bitabiriye inama nyunguranabitekerezo y'Intara y'Amajyepfo yateguwe ku bufatanye na Komisiyo y'igihugu y'amatora yateguwe mu rwego rwo gusuzuma no kuganira ku myiteguro y'amatora ya Perezida wa Repubulika n'ay'Abadepite ateganyijwe muri Nyakanga 2024.

2. Ku bufatanye bw'Akarere ka Gisagara na Pro-femmes Twese Hamwe, uyu munsi habaye inama nyunguranabitekerezo ku bikorwa by'umushinga wa Gender Equality and Women Empowerment(GEWEP III), ukorerwa muri Gisagara mu Mirenge ya Ndora, Mamba, Mugombwa, Musha, Kansi na Kigembe kuva 2020-2024 ku nkunga ya Care International.

Abitabiriye inama:
- Director Social Unit
- Advisor EXCOM
- Abakozi ba PFTH
- NWC Coord and 2i/c
- PRO
- Gender officer
- JADF officer
- AFSO bo mu Mirenge ya Ndora, Mamba, Musha, Mugombwa, Kansi na Kigembe
- Abahagarariye CNF muri iyo Mirenge
- Uhagarariye abajyanama mu buyobozi
- Uhagarariye women champions mu Mirenge yavuzwe haruguru
- Imiryango ikorana na PFTH
- Uhagarariye amadini n'amatorero.

Ibyaganiriweho:
- Kumva kimwe ibyo umushinga wagezeho kuva 2020-2024(arinabwo uzasozwa)
- Ibibazo bikomeje kubangamira ijwi ry'umugore no kujya mu nzego zifata ibyemezo
- Uburyo bwo gusigasira ibyagezweho no gufata ingamba zo gukomeza ibikorwa bya GEWEPIII hagamijwe kuzamura  ijwi ry'umugore ryumvikana no kugira uruhare mu nzego zifata ibyemezo.

3. Ku bufatanye bw'Ikigo cy'Urubyiruko cya YEGO Center Gisagara, Inama y'Igihugu y'Urubyiruko mu Karere n'urwego rwa DASSO n'izindi nzego, ku kibuga cy'Umupira cy'Umurenge wa Mamba hakomereje ubukangurambaga bushishikariza ababyeyi kohereza abana ku ishuri no gukurikirana imyigire yabo.

Ni ubukangurambaga bwahujwe n'umukino w'amaguru wahuje abakobwa b'umurenge wa Save n'uwa Mamba wateguwe ku bufatanye na APEFA.

4. Mu Karere ka Gisagara hatangijwe amarushanwa y'umupira w'amaguru mu bakobwa mu Mirenge 6 ari yo Mukindo, Ndora, Mamba, Save, Musha na Gishubi. Aya marushanwa agamije ubukangurambaga ku mihindagurikire y'ibihe.

Amakipe yakinnye yatsindanye kuburyo bukurikira :
Ndora 3- 2 Mukindo
Musha 1-1 Gishubi
(Gishubi itsinda penality 4/0)
Mamba 1- 0 Save

Imikino ya kimwe cya kabiri izakomeza tariki ya 24/5/2024.

Murakoze