Bimwe mu bikorwa byaranze Akarere ka Gisagara kuri uyu wa 10 Ukuboza 2024:

1. Umuyobozi w'Akarere Jerome Rutaburingoga ari kumwe n'Umunyamabanga Nshingwabikorwa w'Akarere Madame Carine UWAMAHORO, yakiriye Team y'abakozi baturutse muri Minisiteri y'ubuzima bayobowe na Bwana Donatien BAJYANAMA bari kumwe n'Uhagarariye ENI Foundation Madame SERENA SAQUERA (E.F Country representative) itera inkunga ibikorwa by'ubuzima birimo kubaka inzu z'ababyeyi (Maternities) zirimo kubakwa ku bigo nderabuzima bya Gishubi na Mugombwa mu Karere kacu.

Nyuma y'ibiganiro ku Karere, Iri tsinda ryasuye izi nyubako, rishima aho imirimo igeze, ryizeza ko ibikoresho byazo bizaboneka vuba ndetse n'ingobyi y'abarwayi (Ambulance).

Twabamenyesha ko ENI Foundation iteganya no kubaka maternities mu bigo nderabuzima bya Musha na Gikore.

2. Mu rwego rw'ubukangurambaga bw'iminsi 16 yo kurwanya ihohotera, ku Karere ka Gisagara habereye ibiganiro bihuje abahagarariye abagore muri CNF kuva ku Karere kugera mu Tugari, Inshuti z'umuryango, abakorerabushake ba YWCA, inzego z'umutekano n'iz'ubutabera k' "Uruhare rw'ababyeyi b'abagenerwabikorwa ba "Ubuzima Bwanjye Project" hagamijwe ku kwita ku buzima bwo mu mutwe bw'abana by'umwihariko abana b'abakobwa babyariye iwabo bataruzuza imyaka y'ubukure n'urubyiruko muri rusange.

3. Muri gahunda yo kwegera abaturage, kubakemurira ibibazo no kuganira ku iterambere ryabo, ku gicamunsi, mu Tugari twose habaye inteko z'abaturage. Ku rwego rw'Akarere yabereye mu Murenge wa Mugombwa mu Kagari ka Mugombwa aho yitabiriwe n'Umuyobozi w'Akarere Jerome Rutaburingoga.

By'umwihariko muri iyo nteko, muri gahunda y'iminsi 16 y'ubukangurambaga bwo kurwanya ihohotera, imiryango 12 yabanaga mu buryo bunyuranyije n'amateģeko yasezeranye imbere y'amategeko, igikorwa kiyoborwa n'Umuyobozi w'Akarere.

Murakoze