1. Mu gitondo, 09h00-09h30, Division Manager Hermenegilde Hundwitiro yayoboye inama y'abakozi b'Akarere bakorera ku HQs (morning brief) igamije kurebera hamwe no guhuza ibikorwa by'Akarere byihutirwa n'ibikeneye kwitabwaho by'umwihariko.

2. Akarere ka Gisagara ku bufatanye na FXBRwanda bahaye abaturage 400 bo mu Murenge wa Nyanza ibikoresho by'isuku, iby'ishuri ku bana babo n'inka 12 kuri 50 bateganya bifite agaciro k'amafaranga asaga Miliyoni 55 mu rwego rwo kubafasha kwifasha (graduation). 

Iki gikorwa cyabereye mu Murenge wa Nyanza, kikaba cyitabiriwe n'Umuyobozi w'Akarere Jerome Rutaburingoga, ari kumwe n'Umuyobozi wa FXB Rwanda ku rwego rw'igihugu n'abayobozi b'inzego z'umutekano.

Mu byatanzwe, FXB Rwanda yahaye Akarere cheque ya Miliyoni 48 z'amafr y'u Rwanda yo gufasha abaturage bo mu Murenge wa Nyanza gushyira mu bikorwa imishinga y'iterambere bateguye.

Uyu mufatanyabikorwa FXBRwanda afasha abaturage 800 bo mu Tugari 4 tw'Umurenge wa Nyanza mu rugendo rwo kwikura mu bukene (graduation), aho bafite ibikorwa binyuranye (ubucuruzi, imyuga, ubuhinzi n'ubworozi, ndetse n'ibijyanye no guhindura imyumvire) bafatanyamo nabo bifite agaciro k'amafaranga asaga miliyoni 115.

3. VM AFSO yitabiriye inama yo ku rwego rw’igihugu iganira kuri gahunda zo kuzamura imibereho y’abaturage yabereye i Kigali, yahuje abayobozi mu nzego zigira uruhare muri izi gahunda n’abafatanyabikorwa batandukanye, iyobowe na Minisitiri w'ubutegetsi bw'igihugu.

4. Ku isoko rya Gisagara riherereye mu Murenge wa Ndora habaye Ubukangurambaga bukomatanyije bwateguwe ku bufatanye n'Inama y'Igihugu y'Urubyiruko n'abafatanyabikorwa Tanga (umuryango ukorera muri kaminuza y'u Rwanda ugamije kwigisha urubyiruko kumenya ubuzima bw'imyororokere) na Medsar bugamije gushishikariza ababyeyi gukurikirana imyigire y'abana ndetse n'abatiga bagasubizwa mu ishuri ku sanganyamatsiko igira iti: Mubyeyi ohereza umwana ku ishuri ku gihe kuko umunani w'umwana ni ishuri.

Ababwitabiriye banigishijwe ibijyanye n'ubuzima bw'imyororokere. Urubyiruko rwaboneyeho rusobanuza ibibazo byinyuranye rutari ruzi ku myororokere, kwirinda inda ziterwa abangavu n'indwara zandurira mu mibonano mpuzabitsina.

Murakoze