1. Umuyobozi w'Akarere RUTABURINGOGA Jerome ari kumwe na VM AFSO Denise DUSABE bitabiriye ibirori byo kwizihiza umunsi mpuzamahanga w'umugore ku rwego rw'Igihugu byabereye i Kigali muri BK Arena, ku nsaganyamatsiko igira iti: Imyaka 30: Umugore mu Iterambere. Umushyitsi mukuru yari Nyakubahwa Perezida wa Repubulika Paul KAGAME.

Abitabiriye uyu munsi mukuru ku ruhande rw'Akarere: 
- Umuyobozi w'Akarere
- VM AFSO
- Komite ya CNF ku Karere
- Gender officer
- Abakozi b'abagore bahagarariye abandi ku Karere
- Abahagarariye CNF mu Mirenge
- Abahagarariye urubyiruko
- Abahagarariye amakoperative
- Abahagarariye abikorera.

Mu Karere ka Gisagara, uyu munsi uzizihizwa mu Mirenge yose ku itariki ya 12/03/2024. Ku rwego rw'Akarere uzizihirizwa mu Murenge wa Mugombwa.

2. Habaye amahugurwa ku kubungabunga imihanda n'ingaruka z'imihindagurikire y'ibihe kuri yo. Amahugurwa yateguwe n'Ikigo cy'igihugu gishinzwe Iterambere ry'ubwikorezi RTDA, agenewe abahagarariye amahuriro y'abaturage bita ku mihanda na companies z'urubyiruko nazo zita ku mihanda, akaba yafunguwe na VM ED Jean Paul Habineza.

Bahuguwe ku bijyanye na:
- Kubungabunga umuhanda
- Ibimenyetso byabereka ko hari ibyago byo kuba haba inkangu
- Ibyago bashobora kugira mu gihe bari mukazi n'uburyo babyirinda, birimo impanuka,....
- Ibyo bakora ngo babyirinde birimo kwambara amajire agarura urumuri, gushyiraho ibyapa mu gihe bari mu kazi bimenyesha abakoresha ibinyabiziga ko imbere hari imirimo iri gukorwa.....

3. VM ED HABINEZA Jean Paul yakiriye Itsinda rya NESA rimaze iminsi rigenzura ibigo by'amashuri mu Karere kacu mu rwego rwo kugaragaza  ibyavuye mu bugenzuzi bakoze (26/02/2024-07/03/2024).

Ubu bugenzuzi bwokorewe mu bigo by'amashuri 40 mu byiciro byose binyuranye: amashuri y'incuke, abanza, ayisumbuye n'ay'imyuga n'ubumenyingiro. Bukaba bwari bugamije kwimakaza ireme ry'uburezi, aho bwasuzumye:
- Imiyoborere y'anashuri
- Imyigire n'imyigishirize
- Imikoreshereze y'ibitabo n'ibikoresho by'ikoranabuhanga
- Imicungire y'ibikoresho n'ibikorwaremezo
- Gahunda yo kugaburira abana ku ishuri
- Ubwitabire bw'abarimu n'abanyeshuri
- Isuku muri rusange

Batanze inama ku byagaragaye byanozwa.

4. Uyu munsi VM ED Jean Paul Habineza yatangije ubukangurambaga ku Isuku, Isukura no kurwanya imirire mibi mu Karere ka Gisagara ku nsanganyamatsiko igira iti: Isuku hose ihera kuri njye, kurandura igwingira mu bana dufatanyije twarigeraho.
Ni gahunda iri mu murongo w'amezi atatu yahariwe  Ibikorwa by'Inzego z'Umutekano mu guteza imbere imibereho myiza y'abaturage

Muri iyi gahunda hakozwe ibikorwa bitandukanye bitanga ubwo butumwa: 
- Urugendo rw'Ubukangurambaga rwakozwe ruva ku Murenge wa Ndora rugera ku Kibuga cy'Umupira cya Ndora
- Sono mobile yakorewe mu Mirenge ya Muganza, Gishubi na Ndora
- Umupira w'amaguru wahuje abakozi b'Akarere n'abapolisi muri DPU ya Gisagara, warangiye Police itsinze 4-2

VM ED yatanze ubutumwa bushishikariza abitabiriye ibi bikorwa n'abaturage muri rusange  kuzirikana agaciro k'isuku n'ibyago biterwa n'umwanda. Yasabye kandi kuzirikana ko umutekano ari inkingi y'iterambere.

Iyi gahunda yitabiriwe n'Umuyobozi wa Police ya Gisagara, abapolisi, I.O Reserve force, abakozi b'Akarere kuri HQ, NISS, RIB ndetse n'abaturage.

5. Itsinda rya Komisiyo y'igihugu ishinzwe abakozi ba Leta ryashoje igenzura mu Bitaro by'Akarere bya Kibilizi ryari rimazemo iminsi 5 (04-08/03/2024) hagamijwe gusuzuma uburyo abakozi bashyizwe mu myanya bijyanue n'imbonerahamwe nsha y'imirimo yo muri 2020 n'uburyo abakozi bacungwa.

NYIRANSENGIMANA Cécile Professionalism Promotion Officer/NPSC (Team Leader) yasobanuriye abakozi b'ibitaro uburyo umukozi wa Leta ashyirwa mu mirimo, abibutsa amakosa yo mu rwego rw'akazi n'ibihano byayo. Yashoje ashishikariza abakozi kwimakaza indangagaciro z'umwuga n'imyitwarire mbonezamurimo.

6. Ku gicamunsi habaye inama y'igihembwe cya gatatu ya Komite Ngenzuzi y'Inama Njyanama yayobowe na perezida wayo Mbonirema Jerome.

Ingingo zaganiriweho:
- Raporo y'ibyavuye mu bugenzuzi bwakozwe n'abagenzuzi bwite b'Akarere ku bigo birebererwa n'Akarere muri iki gihembwe.

* Ingingo zimwe na zimwe mu zaganiriweho muri workshop yateguwe na MINECOFIN yabaye kuwa 25-26/01/2024 yabereye kuri Boni Concili yari yatumiwemo Audit committee na Head of internal auditors mu Turere tugize Intara y'Amajyepfo.
* Ingingo zimwe na zimwe zavugiwe mu nama iherutse kubera i Nyanza yari yahuje abayobozi batandukanye  na  Audit committee  z' Uturere yari yatumijwe na    Transparency Rwanda.

7. Kuri iki gicamunsi, ku kibuga cy'umupira cy'Akarere giherereye mu Jurenge wa Ndora habaye umukino w'umupira w'amaguru, Football, wahuje ikipe y'abakozi b'Akarere n'ikipe ya Police ikorera mu Karere ka Gisagara.

Umukino watangijwe na VM ED Jean Paul Habineza ari kumwe na DPC S/SP E KIZZA. Yatanzemo ubutumwa bwo kugira isuku muri rusange.
Umukino warangiye ikipe ya Police itsinze iy'abakozi b'Akarere ibitego 4-2.

Uyu mukino wabaye mu rwego rw'Amarushanwa yateguwe na Police agahuza ibyiciro bitandukanye mu Karere harimo Abamotari, Abanyonzi, Youth Volonters, Imboni z,impinduka , Police ndetse na Local leaders.

Indi mikino izaba kuwa gatanu utaha mu masaha ya Siporo.

Murakoze