Ubuyobozi bw'Akarere ka Gisagara burabagezaho bimwe mu bikorwa byaranze Akarere kuri uyu wa 04 Werurwe 2025.

1. Umunyamabanga Nshingwabikorwa w'Intara y'Amajyepfo Vedaste Nshimiyimana ari kumwe n'Umuyobozi w'ingabo mu Ntara Maj. Gen. Vincent Gatama yayoboye inama yahuje ubuyobozi bw'Intara, Akarere n'Abayobozi b'ibigo by'amashuri bose, baganira ku mutekano, uburere mboneragihugu, by'umwihariko kwirinda ingengabitekerezo ya jenoside yakorewe Abatutsi mu mashuri.

2. Nk'uko bisanzwe buri wa kabiri w'icyumweru, mu gitondo, mu Mirenge yose n'ibigo binyuranye, habaye ibikorwa hy'igitondoncy'isuku.

3. Muri Gisagara Arena, VM AFSO Denise Dusabe ari kumwe n'umuhuzabikorwa w'uburezi mu Ntara y'Amajyepfo NSENGIYAREMYE Christophe bayoboye inama yahuje abakozi b'ishami ry'uburezi ku Karere, abakozi bashinzwe uburezi mu Mirenge n'abagenzuzi b'uburezi ba NESA bashinzwe Gisagara

Baganiriye ku ngingo zikurikira:
- Ishusho y'uburezi mu Karere
- Inshingano z'umuhuzabikorwa w'uburezi mu Ntara
- Ibyavuye mu bugenzuzi butandukanye
- Uburyo bwo gutanga raporo z'ibyakozwe mu burezi buri cyumweru.

4. Mu Kagari ka Mamba mu Murenge wa Mamba, ku biro bya Koperative "Abahizi Mamba" habereye igikorwa cyo gutanga ibihembo mu makoperative akorana n'umushinga SAPMP ( Sustainable Agriculture Productivity linkage to linkage Project) mu gishanga cya Nyiramageni ku nkunga ya KOICA.

Igikorwa cyitabiriwe na VM ED Jean Paul Habineza ari kumwe na:
- Umuyobozi wungirije wa KOICA mu Rwanda na Team bakorana
- Umuyobozi wungirije wa SPIU RAB na team bakorana.
- Ubuyobozi bw'Imirenge ya Mamba na Gikonko
- Abakozi b'Umurenge n'Utugari umushinga ukoreramo
- Abayobozi ba koperative Abahizi Mamba na Koperative Tubeho neza Gikonko n'abahagarariye Abahinzi.

Koperative "Tubeho Neza Gikonko" ni yo yahawe igihembo cya mbere, ihabwa amagare, inyongeramusaruro, ibikoresho by'ubuhinzi n'amatungo.

Amatsinda yakoze neza muri koperative zombi n'Abahinzi bakoze neza mu byiciro bitandukanye (Abagabo, Abagore n'urubyiruko) bahembwe.

5. Muri gahunda yo gukemura ibibazo by'abaturage, ku gicamunsi, mu Tugari twose habaye inteko z'abaturage.

Ku rwego rw'Akarere yabereye mu Kagari ka Mukiza mu Murenge wa Mukindo aho yitabiriwe n'Umunyamabanga Nshingwabikorwa w'Intara y'Amajyepfo Vedaste Nshimiyimana ari kumwe n'Umuyobozi w'Akarere Jerome Rutaburingoga.
VM ED Jean Paul Habineza yitabiriye inteko y'abaturage mu Kagari ka Cyamukuza mu Murenge wa Ndora.
Umuyobozi wa Police mu Karere DPC Fred Haguma yitabiriye inteko y'abaturage mu Kagari ka Munazi mu Murenge wa Save.

Hose, ku bufatanye bw'ubuyobozi, inzego z'umutekano n'abaturage b'inyangamugayo, bakiriye banakemura ibibazo bagejweho n'abaturage.

6. Kuri iki gicamunsi, ku Karere habaye inama ya ICT Steering Committee iyobowen'Umunyamabanga Nshingwabikorwa w'Akarere Carine Uwamahoro ari kumwe n'Umuyobozi Mukuru ushinzwe imirimo rusange mu Karere Hermenegilde Hundwitiro.

Abagize ICT Steering Committee bitabiriye inama:
- DES
- DM
- Dir Admin
- Dir Finances
- IT Officer
- Legal Advisor
- PRMCO
- Logistics

Ibyasuzumwe:
- Abagize Steering Committee n'amabwiriza abagena
- Ikibazo cya Internet ku Karere, Imirenge n'Utugari
- Ibikoresho bya ICT na maintenace yabyo.

7. Mu rwego rwo gukomeza ibikorwa bizakorwa mu kwezi k'umuryango no kureba aho abagore bageze biteza imbere, ku bufatanye n'Ubuyobozi bw'Akarere, CNF ku rwego rw'Intara y'Amajyepfo n'Inama y'igihugu y'abagore ku rwego rw'Akarere basuye ibikorwa binyuranye mu Mirenge itandukanye:
- Mu Mirenge ya Gikonko, Mamba na Musha mu midugudu ya Mutimawurugo hasuwe ibikorwa by'isuku, kurwanya imirire mibi, abagore biteje imbere binyuze mu guhabwa inguzanyo muri VUP financial services
- Mu Murenge wa Kibilizi, ku bufatanye  n'Inama y'Igihugu y'Abagore ku rwego rw'Intara basuye umugore witeje imbere hagamijwe kumugira inama kugira ngo arusheho kwiteza imbere.

Murakoze