1. Mu gitondo, 09h00-10h00, ku biro by'Akarere ka Gisagara, habaye inama y'abakozi b'Akarere bakorera ku HQs Morning Brief.
Inama yitabiriwe na Komite Nyobozi y'Akarere na Ag. DM, iyoborwa n'Umuyobozi w'Akarere Jerome Rutaburingoga.

Yaganiriye ku ngingo zikurikira:
- Ishyirwa mu bikorwa ry'imyanzuro ya Morning Brief iheruka
- Gahunda zihutirwa zihari
- Ubugenzuzi buri gukorwa n'abakozi b'umugenzuzi mukuru w'imari n'umutungo bya Leta
- Imikorere n'imikoranire
- Imikorere itanga umusaruro

Umuyobozi w'Akarere yahoneyeho yakira mu bakozi Abanyamabanga Nshingwabikorwa bashya b'Imirenge ya Gishubi na Kibilizi.

2. Umuyobozi w'Akarere RUTABURINGOGA Jerome yakiriye mu biro bye Mrs. Nicole Duciaume, Director of sponsorship programming in World Vision/USA. Yari aherekejwe n'Umuyobozi wa World Vision/ISHEMA CLUSTER MUHASHYI Aphrodice n'abandi bakozi bakorera muri World Vision.

Urwo ruzinduko rwari rugamije  gusura ibikorwa byakozwe mu Karere ka Gisagara ku nkunga ya World Vision USA, impinduka nziza byagize ku baturage b'Akarere n'ubufatanye bwa World Vision n'ubuyobozi bwite bwa Leta.

Nyuma yo kwakirwa, basuye ibikorwa byakozwe mu nkambi y'impunzi ya Mugombwa ku nkunga ya World Vision USA, hanasurwa ibikorwa byatewe inkunga na World Vision ku Kigo nderabuzima cya Gisagara.

3. Muri salle ya Gisagara Arena habaye inama yahuje ubuyobozi bw'Akare n'abayobozi ba koperative zo mu Karere ka Gisagara, iyoborwa n'Umuyobozi w'Akarere Jerome Rutaburingoga ari kumwe na VM ED Jean Paul Habineza. Inama yari igamije kwibutsa abayobozi b'amakoperative inshingano zabo ku banyamuryango, kunoza imikorere n'imikoranire no gukorera mu mucyo.

Inama yitabiriwe na:
- Abakozi bo mu ishami ry'Ubuhinzi,
- Umukozi ishinzwe isuku n'isukura
- Abakozi bo mu ishami rya BDE
- Perezida b'inama z'ubuyobozi mu makoperative
- Perezida b'inama z'ubugenzuzi mu makoperative.

Umuyobozi w'Akarere yibukije Abayobozi ba koperative ko bafite inshingano ziremereye zo guteza imbere Abanyamuryango, gukumira no gukemura ibibazo, kandi bagakorera mu mucyo.

4. Ku bufatanye bw'Akarere n'Itorero ADEPR habaye inama y’abafatanyabikorwa b’umushinga w’isanamitima, ubumwe n’ubudaheranwa ADEPR ikoranamo na MINUBUMWE igamije kurebera hamwe uko ibikorwa by’isanamitima, ubumwe n’ubudaheranwa bihagaze mu Karere ka Gisagara no kurebera hamwe ahashyirwa imbaraga nk’abafatanyabikorwa ndetse n’ubuyobozi bw’Akarere.

Inama yitabiriwe na:
- VM AFSO Denise Dusabe
- Umushumba wa ADEPR Ururembo rwa Huye Rev. Past. Ndayishimiye Tharcisse (Gisagara- Huye- Nyamagaba na Nyaruguru)
- Perezida wa IBUKA mu Karere ka Gisagara
- Umukozi ushinzwe Itorero mu Karere
- Good Gov na Etat civil b’Imirenge 
- Abahagarariye imiryango ikora mu bijyanye n’Isanamitima, ubumwe, n’ubudaheranwa
- Umukozi w’Umushinga w’Isanamitima, Ubumwe n’Ubudaheranwa muri ADEPR
- Abahagaraiye IBUKA mu Mirenge

5. Mu nama yahuje Akarere ka Gisagara  n'amakoperative zose zikoreramo mu Karere, VM ED Jean Paul Habineza n'Umukozi ushinzwe Isuku n'Isukura bakanguriye amakoperative kugira ubwiherero aho bakorera no mu ngo zabo no kubishiskariza abanyamuryango muri rusange.

 Bashishikarijwe kwirinda indwara zititaweho (NTDs) nabo basaba ko begerezwa centre izivura kandi zikavurirwa kuri Mutuelle da Santé kuko mu Ntara y'Amajyepfo iba mu Karere ka Huye gusa ahazwi nko mw'i Rango.
Ubukangurambaga burakomeje....

6. Ku gicamunsi hatangiye imikino y'amajonjoro y'amarushanwa Umurenge Kagame ku rwego rw'Intara y'Amajyepfo. Imikino yabereye kuri stade Kamena mu Karere ka Huye, ihuza Akarere ka Gisagara na Nyaruguru muri football, mu bakobwa n'abahungu, ikaba yatangijwe n'Umuyobozi w'Akarere ka Gisagara.

Imikino yarangiye amakipe atsindanye ku buryo bukurikira:
Abahungu: Gisagara (Mamba sector) 1-3 Nyaruguru (Munini sector)

Abakobwa: Gisagara (Mukindo Sector) 3-0 Nyaruguru (Kivu Sector).

Murakoze