Uyu munsi kuwa 27 Mata 2022, Mu Karere ka Gisagara twibutse ku nshuro ya 28 jenoside yakorewe Abatutsi mu Mirenge ya Mamba, Gikonko na Musha. Mu Murenge wa Mamba hanashyinguwe mu cyubahiro umubiri umwe wabonetse vuba, mu Murenge wa Musha naho habaye n'umuhango wo gushyingura mu cyubahiro imibiri 6 iheruka kubona.

Muri iyi gahunda abashyitsi ku nzgo zose bitabiriye uyu muhango:

▪️ Umurenge wa Mamba:

- Umuyobozi w'Akarere, ari nawe wari umushyitsi mukuru

- Umuyobozi wa Police mu Karere (DPC)

- Uhagarariye Ingabo

- Perezida wa Ibuka mu Karere

- ES Mamba, Gishubi, Kigembe  na Save Sectors

- Umuyobozi w' Uruganda rwa Nyiramigengeri n'abakozi b'Uruganda

- Umuyobozi w'Ishami ry'ubutegetsi n'abakozi ku Karere

- Bamwe mu bakozi b'Akarere bakorera ku HQs n'Umurenge

- Abaturage n'Ishuti z'umurenge wa Mamba.

▪️ Umurenge wa Musha:

- Hon. Depite Ahishakiye Mediatrice

- VM ED

- ES b'Imirenge.

▪️ Umurenge wa Gikonko:

- Hon.Depite Makeshimana Chantal

- Umunyamabanga Nshingwabikorwa w'Akarere

- Abahagarariye inzego z'Umutekano

- Uhagarariye Ibuka

- ES w'Umurenge n'abandi.

Mu butumwa abayobozi  batanze bose bwibanze  ku kwihanganisha abarokotse jenoside ndetse no Kwibuka biyubaka mu ngeri zose.

▪️Perezida wa IBUKA ku rwego rw'Akarere yasabye ko ibikorwa by'isanamitima byatangiriye mu Mirenge ya Mukindo na Mugombwa byakomereza n'ahandi.

Yasabye by'umwihariko abarokotse jenoside yakorewe Abatutsi mu 1994 gukomeza ubutwari, bakitegura n'ubundi gutanga imbabazi ku bantu bagenda bafungurwa uko barangije ibihano bakatiwe.

▪️Umuyobozi w'Akarere ka Gisagara, amaze guhumuriza abarokotse jenoside yakorewe Abatutsi mu 1994, yagize ati:

"Kuba abanyarwanda ari bo bahagaritse jenoside biduha imbaraga zidasanzwe zo kubaho, kwiyubaka no kubaka igihugu cyacu.

"Kurokoka ni isomo kubakoze jenoside no ku isi yose. Kugira ngo tuzasigire abana bacu umurage mwiza, birasaba imbaraga zidasanzwe no kwitanga.

Haracyahari abafite ingengabitekerezo ya jenoside, tugomba kuyirwanya kandi ikibi ntikizigera gitsinda"

▪️Twakwibutsa ko mu nzibutso zo muri iyo Mirenge hashyinguyemo mu cyubahiro imibiri y'inzirakarengane zishwe muri jenoside yakorewe Abatutsi mu 1994 ku buryo bukurikira:

Urwibutso rwa Mamba: 30,198

Urwibutso rwa Gikonko: 27,528

Urwibutso rwa Musha: 2,613

Muri rusange Kwibuka28 byagenze neza mu Mirenge yose.

Kwibuka Twiyubaka