Kuri uyu wa 31 Kanama 2022, Mu cyumba cy’inama cya YEGO Center Gisagara Habereye Inama Rusange ya 21 y'Inama y'Igihugu y'Abagore mu Karere ka Gisagara mu rwego rwo kwishimira ibyagezweho mu mwaka w021-2022 no kugaragaza ibiteganyijwe mu mwaka 2022-2023, byose bigamije kugaragaza Umugore mu cyerekezo 2050.

Mu kuyitangiza, Umuyobozi w’Akarere wungirije ushinzwe iterambere ry’ubukungu Habineza Jean Paul yashimye cyane uruhare abagore bagira mu iterambere n'imibereho myiza y'abaturage ba Gisagara, kuko ni kenshi besheje imihigo ku rwego rw'Intara n'igihugu, abasaba kudakura mu ruge, abizeza ko Ubuyobozi bw'Akarere buzakomeza kubashyigikira.

Nyuma yo kugaragaza ibyagezweho mu mwaka wa 2021-2022 n'ibiteganywa mu mwaka wa 2022-2023, abitabiriye Inama Rusange ya 21 y'Inama y'Igihugu y'Abagore mu Karere bunguranye ibitekerezo ku byanozwa kugira ngo iterambere ry'umugore n'umuryango muri rusange rirusheho kwihuta.

Muri iyi nama, hatangijwe ku mugaragaro Gahunda y'ubukangurambaga abagore bagiye gukora mu mwaka 2022-2023 bwiswe "Nawe wakiza umwe" mu rwego rw'iterambere ry'umuryango no kurandura igwingira, aho buri mugore agomba kugira inka!

Muri iyi nama, hahembwe Imirenge 3 yabaye iya mbere:

1. Kansi yahawe igikombe kiruta ibindi n'ibahasha

2. Execo: Kibilizi & Mukindo bahawe ibikombe biciriritse

3. Execo: Ndora & Musha bahawe ibikombe biciye bugufi.

Imirenge yose n'abafatanyabikorwa bahawe certificates z'ishimwe.

Muri iyi nama kandi habayemo igikorwa cyo gusinya imihigo mishya ya mutima w'urugo y'umwaka 2022-2023.

Mu gusoza inama, VM AFSO yasabye ba Mutima w'urugo gushyira mu bikorwa imihigo basinye.

VP w'Inama Njyanama y'Akarere yabakanguriye kwitinyuka, bakagana ibigo by'imari, bagakora cyane bakiteza imbere.

Murakoze