Kuri uy wa mbere tariki ya 06 Nzeri 2021 Guverineri w'Intara y'Amajyepfo Madame Alice Kayitesi ari kumwe n'abagize Komite y'Umutekano itaguye ku rwego rw'Intara basuye Akarere ka Gisagara mu Murenge wa Muganza mu rwego rwo kuganira n'abaturage no gufatanya n'Ubuyobozi gukemura ibibazo by'abaturage.

▪ Bakiriwe n'Umuyobozi w'Akarere ari kumwe n'abagize Komite y'inama y'umutekano itaguye ku rwego rw'Akarere n'umunyamabanga Nshingwabikorwa w'umurenge wa Muganza.

▪ Uruzinduko rwibanze ku gukemura ikibazo cy'umworozi witwa Safari woneshereza abaturage mu Kagari ka Rwamiko.

▪ Hashyizweho Team Ad Hoc yo gukurikirana iki kibazo, buri wese n'ibyo yangirijwe akarihwa, umworozi nawe akazitira urwuri rwe ku buryo ikibazo kirangira burundu.

Umworozi nawe yasabye imbabazi abaturage kandi yemera ko azishyura abaturage ibyangijwe n'inka ze.

Abaturage batashye banyuzwe kandi bishimye.