Kuri uyu wa kane 18/02/2021, Guverineri w'Intara y'Amajyepfo Madame Alice Kayitesi ari kumwe n'Umuyobozi wungirije wa BDF ku rwego rw'igihugu, Umujyanama wa Guverineri na PSF ku Ntara basuye Akarere ka Gisagara.

Bakiriwe n'Umuyobozi w'Akarere ari kumwe na VM AFSO, umuyobozi wa RF ku rwego rw'Akarere, DPC n'abandi bayobozi ku rwego rw'Akarere n'Umurenge wa Mamba.

▪ Intego y'urugendo:

Ubukangurambaga bwo kwirinda no gukumira icyorezo  cya COVID19, igikorwa kibera mu Murenge wa Mamba mu isoko rya Mamba.

▪ Basuye abacuruzi mu isoko, bakangurira abaremye isoko kwirinda icyorezo, babibutsa ingamba zo kwirinda.

▪ BDF yakanguriye abacuruzi, urubyiruko n'abagore by'umwihariko kugana Ikigega BDF bagahabwa inguzanyo zo kuzahura ubukungu bwahungabanyijwe na COVID19.

▪ Guverineri yibukije abaturage uburyo COVID19 yandura n'ingamba zinyuranye zashyizweho mu rwego rwo kwirinda no gukumira icyo cyorezo, asaba abaturage kuyubahiriza bakirinda, yihanangiriza abayica nkana bagakora ibikorwa bibujijwe, abibutsa ko COVID19 itagira inshuti.

Hatanzweyo udupfukamunwa 14,000 ku bufatanye na BDF.

▪ Mu gusoza uruzinduko, basuye uruganda rwa nyiramugengeri rwubakwa mu mu Murenge wa Mamba, ruzatanga 80M. Mu gihe gito ruraba rutangiye kohereza amashanyarazi mu muyoboro mugari wa REG. Bashimye aho imirimo igeze.