Kimwe n'ahandi mu gihugu hose, muri gahunda yo Kwibuka28 Jenoside yakorewe Abatutsi mu 1994, kuri uyu wa 13 Mata 2022 mu Karere ka Gisagara  habaye gahunda yo gusoza icyumweru cy'icyunamo cyatangiye tariki ya 7-13/4/2022 ku rwego rw'Intara bikaba byabereye mu Karere ka Gisagara.

▪️Iyi Gahunda yabereye mu Murenge wa Kansi, Akagari ka Sabusaro Umudugudu wa Gikore, mu rwego rwo kwibuka abatutsi bazize jenoside yakorewe Abatutsi mu 1994 bakajugunywa mu kiyaga cya Cyamwakizi gitahiriza mu Kanyaru.

▪️Ghahunda  yitabiriwe na:

- Umunyamabanga Nshingwabikorwa w'Intara y'Amajyepfo ari nawe wari umushyitsi mukuru.

Hari kandi n'abandi bayobozi batandukanye:

- Mayor

- Umuyobozi wa Police mu Ntara y'Amajyepfo (RPC )

- Umuyobozi wa RIB mu Ntara

- Uhagarariye umuyobozi w'Ingabo mu Ntara

- VM AFSO

- RF CO mu Karere

- Umuyobozi wa Police - DPC

- Perezida wa Ibuka mu Karere

- ES Kansi

- ES b'Imirenge  ikikije ikiyaga cya cyamwakizi

- Abarokotse jenoside yakorewe Abatutsi ndetse n'abaturage b'Umurenge wa Kansi.

▪️President wa IBUKA mu Karere yibukije ko ikiyaga cya Cyamwakizi cyajugunywemo Abatutsi benshi bavuye mu bice bitandukanye by'Intara y'Amajyepfo bishwe muri Jenoside yakorewe Abatutsi mu 1994 ubwo bageragezaga guhunga bizera ko bagera mu gihugu cy'abaturanyi. Yashoje asaba ko hatunganywa hakajya habera ibikorwa byo kwibuka jenoside yakorewe Abatutsi hameze neza.

▪️Umuyobozi w'Akarere ka Gisagara yagaragaje muri make amateka ya jenoside yakorewe Abatutsi mu 1994, itangira ryayo mu gihe cy'ubukoroni, igakura iciye mu buyobozi bubi kugeza buyishyize mu bikorwa mu 1994.

Yagize ati: ...Ibyago twagize byo gutakaza abacu duhora twibuka, ni ingaruka z'ingengabitekerezo yo kwanga Abatutsi yatangiye guhera mu gihe cya Gikoroni kugeza mu 1994  ubwo umugambi wo kubarimbura washyirwaga mu bikorwa.

▪️Umunyamabanga Nshingwabikorwa w'Intara mu ijambo rigufi, yihanganishije abarokotse jenoside yakorewe Abatutsi  cyane cyane abarokokeye kuri iki kiyaga cya Cyamwakizi. Yashimiye ubwitabire bwaranze abaturage cyane cyane urubyiruko, agira ati: Kuba urubyiruko rwitabira, rugakurikirana impanuro rugezwaho n'ubuyobozi bwiza, biratanga icyizere cyiza cy'ejo hazaza, ko ibyabaye bitazongera ukundi

Yashoje agira ati: Kuba umwe, kureba kure no gutekereza byagutse ni yo mahitamo yacu. Ibyabaye ntibizongera ukundi

Kwibuka Twiyubaka.