Kuri iki cyumweru cyo kuwa 21 Kanama 2022, ikipe ya Volleyball y’Akarere ka Gisagara GVC yegukanye igikombe cya Gisaka International Tournament 2022 I Kirehe.

Mu marushanwa ya Volleyball Gisaka international Tournament 2022 yaberaga I Kirehe (20-21/08/2022), ikipe ya Volleyball y'Akarere ka Gisagara GVC yegukanye igikombe nyuma yo gutsinda itababariye amakipe yose yahuye nayo, no gukina umukino wa nyuma (Final Game) n’ikipe ya REG Volleyball Club, nayo ikayivumbukana ubutarora inyuma ikayitsinda amaseti 3 kuri 0.

Ibi bibaye nyuma y’aho ikipe ya GVC igaragarije ubudasa mu Rwanda no muri Afurika aho mu kwezi kwa Gicurasi 2022 yahagarariye u Rwanda muri Tuniziya mu mikino y’Afurika y’amakipe yabaye aya mbere iwayo, ikegukana umudari w’umwanya wa gatatu, byari bibaye ubwa mbere mu Rwanda.

Igikombe gisanze ibindi ku gicumbi cya Volleyball ku Gisagara.

Set1: GVC 27-25 REG

Set 2: GVC 25-20 REG

Set 3: GVC 25-15 REG

Gisagara Volleyball Club ni yo ya mbere mu Rwanda mu makipe y'umukino w'amaboko wa Volleyball.