1. Mu rwego rw'ubumwe n'ubwiyunge, abantu bagera kuri 986 bashoje urugendo rw'amezi 6 rw'isanamitima.

Umuhango wabereye mu Murenge wa Mugombwa, kuri Paruwasi Gatolika ya Mugombwa. Abakoze jenoside basabye imbabazi abo bahekuye, Umuryango nyarwanda n'Imana.

▪️Igikorwa cyateguwe ku bufatanye na Kiliziya Gatokika, Umuhango wayobowe na Musenyeri Philip Rukamba umushumba wa Diyosezi Gatulika ya Butare mu ruhande rwa Kiliziya na VM ED wari umushyitsi mukuru ari kumwe na VM AFSO.

2. Mu rwego rwo kwitegura kwibuka ku nshuro ya 28 jenoside yakorewe abatutsi muri Mata 1994, kuri RBA Huye (16:30-17:30) hatanzwe ikiganiro nyunguranabitekerezo kuri gahunda yo kwibuka izatangira kuwa kane 07/04/2022.

▪️Ikiganiro cyatanzwe na VM AFSO ari kumwe na Perezida wa IBUKA ku rwego rw'Akarere n'Umukozi w'Akarere ushinzwe urubyiruko, umuco na siporo.

3. Mu rwego rwo kwirinda no gukumira COVID19, igikorwa cyo gukingira abantu COVID19, bahabwa urukingo rwa mbere, urwa 2 n'urwa 3 rwo gushimangira (booster) cyakomeje.

Uyu munsi wo kuwa 03/04/2022 hakingiwe abantu 1571 (Dose 1: 32, Dose 2: 82, Dose 3: 1457).

Hose igikorwa cyo gukingira kirakomeje.

Murakoze