1. Muri gahunda y'ukwezi kw'imiyoborere myiza nk'uko kwatangijwe na Guverineri w'Intara y'Amajyepfo ejo kuwa 01/09/2022, gahunda yo kwegera abaturage no kubakemurira ibibazo yakomeje uyu munsi kuwa 02/09/2022.

Komite Nyobozi y'Akarere, Abayobozi b'inzego z'umutekano n'abakozi ku rwego rw'Akarere, muri Teams zinyuranye, bamanutse mu Mirenge, bafatanya n'ubuyobozi ku Mirenge, Utugari n'Imidugudu kwakira no gukemura ibibazo by'abaturage.

▪️Itsinda riyobowe na Mayor arikumwe n'Umuvugizi wa Police mu Ntara y'Amajyepfo n'umukozi ushinzwe Imiyoborere myiza mu Karere: bakoreye mu Mirenge ya Gikonko mbere ya saa sita no mu Murenge wa Save Nyuma ya saa sita.

▪️Itsinda riyobowe na Vice Mayor ED , arikumwe n'Umukozi wo muri MAJ, uwo muri OSC bakoreye mu Murenge wa Gishubi (AM) bakomereza mu Murenge wa Ndora (PM)

▪️Itsinda riyobowe na Division Manager, ari kumwe na Reserve force commander, DCI na DASSO Coordinator  ryakoreye mu Murenge wa  Kibirizi (AM)  no mu Murenge wa Kansi (PM)

Ibibazo byakiriwe ni 47 ,

31 byabonewe ibisubizo 16 bihabwa umurongo bizakemurwamo bitarenze icyumweru kimwe.

No mu yindi Mirenge, Abayobozi b'Imirenge bamanutse mu Tugari, ku bufatanye n'inzego z'umutekano, bakira kandi bakemura ibibazo by'abaturage. Kandi izi Teams no mu yindi Mirenge zizayisura kuri uyu wa mbere.

Hose byagenze neza kandi gahunda irakomeje: Ubuyobozi bwiza kandi bubereye abaturage.

2. VM AFSO ari kumwe n'Umunyamabanga  Nshingwabikorwa w'Akarere,  Umuyobozi wa Police mu Karere (DPC), Umuyobozi wa BDE n'Umuyobozi w'Ishami ry'Imiyoborere  Myiza mu Karere basuye ikigo ngororamuco cya Gatare mu Karere ka Nyamagabe kigororerwamo urubyiruko rurimo urwa Gisagara 23.

Bakomereje mu Kigo ngororamuco cya Iwawa, aho ejo 03/09/2022) bazasura urubyiruko ruhagororerwa ruturuka mu Ntara y'Amajyepfo, ikaba ari gahunda yateguwe na NRS, aho Intara zose n'umugi wa Kigali barimo gusura ibyo bigo.

Intara y'Amajyepfo ikaba ari yo yabimburiye izindi Ntara muri iyi gahunda.

3. Muri "Gahunda y'ijwi ry'umuturage mu bimukorerwa" Ihuza abaturage, abayobozi n'abatanga serivisi hagamijwe kugera kuri serivisi inoze, ku bufatanye na CLADHO ku nkunga ya World Vision Rwanda twakiriye ibyifuzo by'abaturage mu Mirenge 5 (Kansi, Ndora, Gishubi, Kigembe na Mugombwa) byegeranyijwe hakoreshejwe uburyo bwa Community Score Card, abaturage babona byakwihutisha iterambere n'imibereho myiza byabo, cyane cyane iterambere ry'umwana.

Iki gikorwa cyatangijwe na VM ED, ashimira cyane CLADHO na World Vision kuko bifasha mu igenamigambi rinoze rishingiye ku byifuzo by'abaturage, bikagira ingaruka nziza mu ishyirwa mu bikorwa ryabyo no gusigasira ibyagezweho. Yabijeje ko byose bizitabwaho mu igenamigambi ritaha, kandi ibyakorwa hifashishijwe uburyo bworoshye bikazahita bikorwa.

4. Mu rwego rwa Gahunda y'Ukwezi kw'Ibikorwa bya Police (Police Month) DPCEO muri Police Gisagara ari kumwe na Youth Volunteer Coord bafatanyije n'ubuyobozi bw'Akagari ka Gisagara mu Murenge wa Ndora mu muganda n'urubyiruko wo gusiza ikibanza kizubakwamo inzu y'utishoboye mu Mudugudu wa Nyabitare

Nyuma y'umuganda baganirijwe kuri:

- Gufatanya mu kurwanya no gukumira ibyaha.

 - Kwirinda ubusinzi

- Amoko y'ibiyobyabwenge n'Ingaruka zabyo.

- Ibihano ku cyaha cy'ibiyobyabwenge.

- Icyaha cyo gusambanya umwana, Ingaruka zacyo n'Ibihano bijyanye nacy

- Icyaha cy'icuruzwa ry'abantu n'Ingaruka zabyo.

5. Mu rwego rwo kwirinda no gukumira COVID19, igikorwa cyo gukingira abantu COVID19, bahabwa urukingo rwa mbere, urwa 2, urwa 3 n'urwa 4 cyakomeje.

Uyu munsi wo kuwa 02/09/2022 hakingiwe abantu 319(Dose 1: 2, Dose 2: 9, Dose 3: 33, Dose 4: 275)

Igikorwa kirakomeje...

Murakoze