Kuri uyu wa gatatu 24 Gashyantare 2021 mu Karere ka Gisagara hakozwe ibikorwa binyuranye. Turabagezaho bimwe muri ibyo bikorwa.

1. Inama y'umutekano itaguye y'Intara y'Amajyepfo iyobowe na Guverineri w'Intara yasuye Akarere ka Gisagara, iganira n'abagize inana y'umutekano yaguye y'Akarere ka Gisagara.

▪ Intego y'uruzinduko:

- Kuganira ku mutekano mu Karere ka Gisagara nk'uko biri mu nshingano z'Intara zo guhuza no gukurikirana ibikorwa.

- Ikibazo cyo kwiba inka kigaragara mu Karere

- Kwihutisha iterambere ry'abaturage

- Kurangiza ibibazo bibangamiye imibereho myiza y'abaturage - HSIs

▪ Umuyobozi w'Akarere amaze kubaha ishusho rusange y'umutakano, Abagize Inama y'umutekano itaguye y'Intara batanze inama zinyuranye zafasha Akarere gutsimbataza umutekano n'uruhare rw'ibyiciro bitandukanye by'abaturage  mu gukumira ibyaha bitaraba no kwihutisha iterambere n'imibereho myiza by'abaturage.

▪ Mu gusoza, Guverineri yashimye Akarere ka Gisagara ko kazwiho kugira inzego zegereye abaturage zubatse neza kandi zikora, ariko asaba kutirara kuko abagizi ba nabi nabo barahari kandi bahora bashaka ahari icyuho ngo basohoze imigambi yabo mibi: kwiba, kwenga no gucuruza nyiranatare, ...

2. Nyuma ya saa sita habaye igikorwa cy'ihererekanyabubasha (handover) hagati ya Exectuve Secretary w'Akarere n'uwari Division Manager w'Akarere wazamuwe mu ntera akaba Director General muri MINEDUC, igikorwa kiyoborwa n'Umuyobozi w Akarere.

▪ Igikorwa kitabiriwe na Komite Nyobozi, abayobozi b'Inzego z'umutekano, abanyamabanga Nshingwabikorwa b'Imirenge n'abakozi bose bakorera ku cyicaro cy'Akarere.

▪ Nyuma yo kugaraza aho ibikorwa yari ashinzwe mu byiciro byose, bashyize umukono kuri iyo nyandiko, Umuyobozi w'Akarere nawe arayemeza.

▪ Umuyonozi w'Akarere yamushimiye uburyo yabaye umukozi n'umuyobozi mwiza, amwifuriza ishya n'ihirwe mu nshingano nshya yahawe.

Igikorwa cyashojwe no gufata ifoto y'urwibutso.

3. Ku bufatanye na Croix Rouge y'u Rwanda ishami rya Gisagara, Imiryango 33 yo mu Murenge wa Gikonko (16) na Musha (17) yasenyewe n'imvura nyinshi yaguye kuwa 16-17/12/2020 yashyikirijwe ibikoresho binyuranye byo mu rugo bifite agaciro ka 1,500,000Rwf.

Igikorwa cyabereye ku biro by'Umurenge wa Musha.

▪ Ku ruhande rwa Croix Rouge hari Umuhuzabikorwa mu Turere twa Gisagara na Huye Muyenzi Robert mu gihe ku ruhande rw'Akarere hari Dir Social Unit ari kumwe n'umukozi ufite gukumira ibiza mu nshingano n'ubuyobozi bw'Imirenge yombi.

Murakoze