1. Mu rwego rwo kwirinda no gukumira COVID19, mu bigo nderabuzima byose, Ibitaro bya Kibilizi na Gakoma no kuri sites z'umugereka zashyizweho hakomeje igikorwa cyo gutanga urukingo rwa mbere COVID19 ku bantu bafite imyaka 18 no kuzamura.

Igikorwa kirimo kugenda neza, uyu munsi hakingiwe abantu 5,172.

▪ Ku bufatanye bw'ubuyobozi, inzego z'umutekano na Youth Volunteers hakozwe ubukangurambaga bwo kwirinda COVID19 no kwikingiza mu isoko rya Musha mu Murenge wa Musha.

2. Umuyobozi w'Akarere yakiriye Umuyobozi wa MOUCECORE, umufatanyabikorwa muri gahunda yo guteza imbere ubukerarugendo bushingiye ku muco no kubungabunga ibidukikije (ecotourism), baganira ku bikorwa byihutirwa muri ubwo bufatanye.

3. Kuri iki gicamunsi, mu Tugari twose tugize Akarere habaye inteko z'abaturage hagamijwe gufatanya nabo gukemura ibibazo bafite.

Wabaye umwanya mwiza wo gukangurira abaturage kwirinda COVID19 no kwikingiza.

4. Abanyeshuri bava mu byerekezo bitandukanye by'igihugu baza Gisagara bafashijwe kugera mu miryango yabo. Igikorwa cyagenze neza.

5. Hirya no hino mu Mirenge, hakomeje igikorwa cyo gukingira inka indwara y'igifuruto n'ubutaka. Igikorwa gikomeje kugenda neza, aborozi baritabira.

Murakoze