Tunejejwe no kubagezaho bimwe mu bikorwa byaranze Akarere ka Gisagara kuri uyu wa kabiri 15 Gashyantare 2022:

1. Muri iki gitondo, Umuyobozi w'Akarere wungirije ushinzwe imibereho myiza y'abaturage Denise Dusabe yasuye ikipe y'abafite ubumuga ya sit ball aho iri mu myitozo (Locale) mu nzu mpuzamikino y'Akarere (Gymnase) mu rwego rwo kurushaho kwitegura demi-finale ya championat ya sit ball izaba muri iyi week-end mu Karere ka Bugesera

2. Ku bufatanye bw'Akarere ka Gisagara na NUDOR hatangijwe ku mugaragaro umushinga Zigama Ushore Ubeho Neza -ZUUN Project.

Uyu mushinga watangijwe ku mugaragaro n'Umuyobozi w'Akarere wungirije ushinzwe iterambere ry'ubukungu Jean Paul Habineza ari kumwe n'Umuyobozi w'Akarere wungirije ushinzwe imibereho myiza y'abaturage Denise Dusabe. Umushinga uzashyirwa mu bikorwa binyuze mu matsinda y'abantu bafite ubumuga yo kuzigama no kugurizanya, akazafashwa n'uwo mushinga, bikazakorwa mu myaka 3.

Uyu mushinga uzashyira neza abafite ubumuga mu rugendo kwiteza imbere no kwigira.

3. Mu cyumba cy'inama cya YEGO Center Gisagara habereye inama ngarukagihembwe yateguwe ku bufatanye na Concern Worldwide igamije gusesengura uko ibikorwa by'umshinga wa Graduation Terintambwe  ugamije gufasha imiryango ikennye kwikura mu bukene bukabije birimo bishyirwa mu bikorwa. inama yayobowe n'Umuyobozi w'Akarere wungirije ushinzwe imibereho myiza y'abaturage Denise Dusabe.

4. Mu cyumba cy'Akarere ka Gisagara habereye inama y'Inama y'Igihugu y'Urubyiruko (CNJR), committee yo ku karere na coordinators bose b'Imirenge uko ari 13, barebera hamwe aho gushyira mu bikorwa umuhigo 2021-2022 bigeze no gufata ingamba zo kwihuta.

5. Kuri iki gicamunsi, ku bufatanye bw'Ubuyobozi bw'Akarere, Imirenge n'Inzego z'umutekano ku nzego zose, mu Tugari twose tugize Akarere habaye inteko z'abaturage mu rwego rwo kubegera, kuganira kw'iterambere n'imibereho myiza no gukemura ibibazo bahura nabyo.

Umuyobozi w'Akarere yasuye abaturage bo mu Kagari ka Nyaruteja mu Murenge wa Nyanza, Umuyobozi w'Akarere wungirije ushinzwe iterambere ry'ubukungu asura abaturage munKagari ka Gabiro mu Murenge wa Gishubi naho Umuyobozi w'Akarere wungirije ushinzwe imibereho myiza y'abaturage asura abaturage mu Kagari ka Gisagara mu Murenge wa Ndora.

Abanyamabanga Nshingwabikurwa bakuriranye izo nteko mu Tugari turi mu Mirenge bayobora kandi hose byakozwe ku bufatanye n'inzego z'umutekano haba ku rwego rw'Akarere n'abakorera mu Mirenge.

6. Mu rwego rwo kwirinda no gukumira COVID19, igikorwa cyo gukingira abantu COVID19, bahabwa urukingo rwa mbere, urwa 2 n'urwa 3 rwo gushimangira (booster) cyakomeje.

Uyu munsi wo kuwa 15/02/2022 hakingiwe abantu 340 (Dose 1: 47, Dose 2: 26, Dose: 267).

Hose igikorwa cyo gukingira kirakomeje ....

Murakoze