1. Mu gitondo, VM ED ari kumwe n'agronome w'Akarere n'uhagarariye MCC bitabiriye inama ku Ntara ijyanye no kongera umusaruro w'amata, kuyageza kuri MCCs no ku nganda ziyatunganya mu rwego kunoza uruhererekane nyongeragaciro rw'amata.

2.  VM AFSO yayoboye igikorwa cy'ubukangurambaga bwo kurwanya no gukumira ihohoterwa rikorerwa mu miryango mu rwego rwo gukumira ibyaha bitaraba cyateguwe na RIB, cyabereye mu Murenge wa Mukindo, Akagari ka Gitega, Umudugudu w'Agatunda.

Insanganyamatsiko: Kurwanya ihohoterwa rikorerwa mu muryango

▪ Iki gikorwa cyitabiriwe n'Umuyobozi wa RIB ku rwego rw'Intara, Umukozi wa RIB ku Rwego rw'Igihugu ukora mu ishami ryo gukumira ihohoterwa, Umuyobozi wa RIB ku Rwego rw'Akarere , Es Mukindo, Inzego z'Umutekano zikorera mu Murenge wa Mukindo, abakozi b'Akarere (DHSO na Gender Promotion Officer) n'abaturage bo muri uyu Murenge.

▪ Abitabiriye  basobanuriwe ihohoterwa rikorerwa mu muryango n'ihihoterwa rishingiye ku gitsina rikorerwa abana.

Bakanguriwe ko igihe cyose hagize uhuye n'ihohoterwa ko yakwitabaza urwego rwa RIB rumwegereye rukamurenganura hakurikijwe icyo amategeko ateganya.

Banasobanuriwe icyo amategeko ateganya k'uwakoze ihohotera n'ingaruka zabyo ku muryango n'igihugu muri rusange.

▪ Abaturage basabye ko bakwegerezwa urwego rwa RIB mu Murenge wa Mukindo, umuyobozi wa RIB ku rwego rw'Intara abizeza ko bitarenze ukwezi hari abakozi babiri bazahabwa Akarere ka Gisagara umwe akajya Mukindo undi i Mamba.

▪ Hakiriwe ibibazo mu ngeri zinyuranye, bimwe birakemurwa ibindi bihabwa umurongo.

3. Mu Mirenge yose hasubukuwe Inteko z'abaturage mu rwego rwo gukemura ibibazo by'abaturage.

Ni nyuma y'uko Minisitiri w'Ubutegetsi asubukuye inteko z'abaturage ku mugaragaro, ku rwego rw'igihugu bibera ku Gisagara mu Murenge wa Mamba kuwa 07/09/2021.

▪ Ku rwego rw'Akarere inteko y'abaturage yabereye mu Kagari ka Munazi mu Murenge wa Save, iyoborwa na VM ED.

Yatangiye ashimira abaturage uburyo birinda COVID19 abakangurira kutadohoka no kujya bitabira igikorwa cyo kwikingiza COVID19.

▪ Yabaganirije ku ngingo zikurikira:

- Kwihutira kwishyura ubwisungane mu kwivuza kuko ntawujya inama n'indwara

- Kuzigamira izabukuru muri EjoHeza

- Kwitabira gahunda y'inka kuri buri rugo, buri muntu udafite inka agashyiramo imbaraga akayibona: kuyigurira, korozwa n'undi, kuyibona muri gahunda ya Leta ya Girinka, ...

- Kwitabira igihembwe  y'ihinga no kongera amasaha yo gukora kugira ngo batere imbere

- Kwegera ibigo by'imari bagafata inguzanyo za VUP kugira ngo babone igishoro cyo kwiteza imbere

- Guha abaturage serivisi nziza kandi abaturage bakagira uruhare mu bibakorerwa.

▪ Inteko yakomeje abaturage bahabwa umwanya urambuye batanga ibyifuzo byo kwiteza imbere, babaza ibibazo bafite, bimwe bihita bikemurwa, ibindi bihabwa umurongo wo kubikemura kandi bikazatangirwa raporo.

4. VM AFSO yitabiriye inteko y'abaturage mu Kagari ka Gatovu mu Murenge wa Musha. Naho yatanze ibiganiro bikangurira abaturage gahunda zinyuranye za Leta, abaturage bahabwa umwanya batanga ibyifuzo byo kwiteza imbere babaza n'ibibazo bibabangamiye kandi byose birakemurwa.

▪ Mu Mirenge yindi Abanyamabanga Nshingwabikorwa bayoboye inteko z'abaturage bafatanyije n'abayobozi b'inzego z'umutekano, Abanyamabanga Nshingwabikorwa b'Utugari baziyobora mu Tugari bashinzwe.

▪ Icyagaragaye hose ni uko abaturage bishimiye isubukurwa ry'izi nteko, kuko bongeye kwegerana n'abayobozi imbonankubone babakemurira ibibazo, bakanaganira ku iterambere ryabo.

5. Mu rwego rw'ubukangurambaga bwo kwirinda no gukumira COVID19 habaye ibikorwa bikurikira:

▪ Mu Nteko z'abaturage n'izindi nama zabaye, abaturage bakanguriwe kutadohoka mumkwirinda no gukumira ikwirakwira rya COVID19.

▪ Ku bufatanye bw'ubuyobozi, inzego z'umutekano na Youth Volunteers hakozwe ubukangurambaga mu isoko rya Musha mu Murenge wa Musha.

▪ Igikorwa cyo gususuma abantu abafite ibimenyetso bya COVID19 (screening) cyakomeje mu bigo nderabuzima byose n'ibitaro.

Hasuzumwe abantu 3070: Zone Hop. Kibilizi: 2415, Zone Hop. Gakoma: 655.

Murakoze