Tunejejwe no kubasangiza bimwe mu bikorwa byaranze Akarere kuri uyu wa 01 Ukwakira 2021

1. Mu cyumba cy'inama cya YEGO Center Gisagara habereye inama idasanzwe y'Inama Njyanama y'Akarere ka Gisagara, iyoborwa na Chairperson wayo Innocent Uwimana.

▪️Yize ku ngingo zikurikira:
- Gusuzuma no kwemeza ibipimo by'imisoro n'amahoro
- Gusuzuma ishyirwa mu bikorwa rya Procurement Plan 2021-2022
- Gusuzuma ibyagezweho muri mandat y'Inama Njyanama 2016-2021

▪️Mu gusoza inama, Chairperson yashyikirije buri mujyanama certifate y'ishimwe y'imikorere n'imikoranire myiza mu Nama Njyanama.

2. Mu Murenge wa Ndora, Akagari ka Gisagara Umudugudu wa Ndora hatashywe inzu yubabakiwe uwavuye ku rugerero ufite ubumuga bwo kutabona, yubatswe RF na RDRC ku nkunga ya UNDP.

▪️Umushyitsi mukuru yari MoS MINALOC Ignacienne Nyirarukundo ari kumwe n'umuyobozi wa UN mu Rwanda Fode Ndiaye na Chairperson wa RDRC NYIRAHABINEZA Valerie, Umuyobozi w'inkeragutabara mu Ntara SEBOWA, n'abandi bari babaherekeje.

▪️ Abashyitsi bakiwe na VM AFSO Gasengayire Clemence ari kumwe n'Umunyamabanga Nshingwabikorwa w'Umurenge wa Ndora.

▪️Abashyitsi bashimye igikorwa cyakozwe, basaba umuryango wubakiwe kuyifata neza. Umushyitsi mukuru yashimiye abatanze inkunga yo kubaka iyi nzu.

3. Kuri iki gicamunsi, Umuuobozi w'Akarere ari kumwe n'uhagarariye Ingabo n'uhagarariye Police yatangije ku mugaragaro ukwezi kwahariwe ubumwe n'ubwiyunge Ku rwego rw'Akarere, igikorwa kibera ku biro by'Umurenge wa Mukindo.
Yaboneyeho umwanya anakemura ibibazo by'abaturage.

4. Itsinda rishinzwe gukurikirana ibibazo bibangamiye imibereho myiza y'abaturage ku rwego rw'Intara riyobowe na Mutambuka ryasuye Akarere ka Gisagara mu rwego rwo kugenzura aho ibyo bibazo bigeze bikemuka.

▪️ Bamaze kuvugana n'ubuyobozi ku Karere basuye Umurenge wa Ndora, Akagali ka Mukande, umudugudu wa Kigarama na Nkinda I.
Basuye baturage banyuranye mu byiciro binyuranye bareba inzu babamo, ubwiherero, isuku, ...bashima ko bafite aho baba, ariko batanga inama z'ibyanozwa. Basuye ibikorwa remezo by'isuku mu rwego rwo kurwanya no gukumira COVID19 ku nyubako za Leta n'ahahurira abantu benshi (ku rusengero).

 ▪️Basuye kandi Umurenge wa Kansi, mu Kagari k'Akaboti. Hasuwe abagenerwabikorwa 2 bubakiwe ku nkunga ya MINEMA. Basanze inzu zabo zuzuye kdi banashima uko abagenerwabikorwa bishimiye inyubako barimo bakesha Leta y'ubumwe.

Murakoze