1. Mu rwego rwo kwegera amakoperative ahinga umuceri hagamijwe ubukangurambaga bw'iterambere rirambye kandi rihamye, Umuyobozi w'Akarere Jerome Rutaburingoga ari kumwe na VM ED Habineza Jean Paul n'Umuyobozi w'ihuriro ry'abahinzi b'umuceri mu Karere (UCORIBU) bamanutse kuganira n'abahinzi b'umuceri.

Uyu munsi 31/05/2023 basuye COOPRORIZ NGIRYI ihinga umuceri mu gishanga cya Ngiryi gihuza Imirenge ya Ndora, Musha na Gishubi.

Abayobozi bagaragarije abahinzi uburyo batera imbere hashingiwe ku buhinzi bakora. Bahawe inama zinyuranye zo gucunga neza koperative yabo kugira ngo bakumire icyuho cyose cyabazanira igihombo.

Abahinzi babajije ibibazo, banezezwa n'ibisubizo bahawe.

2. Mu Karere ka Gisagara hashojwe amarushanwa ku iterambere ry'Umuco yateguwe mu rwego rwo gufasha abahanzi kwiteza imbere no gushaka impano binyuze mu bihangano byabo: Imbyino, indirimbo , imivugo no kuvugira inka.

Igikorwa cyabowe na VM ED Jean Paul Habineza.

Muri aya marushanwa, abarushanijwe bagenewe  ibihembo mu byiciro ku buryo bukurikira:

A. Amatorero

1er: Inkumburwa (ryo mu Murenge wa Save): 1,000,000F

2è: Abamararungu (ryo mu Murenge wa Mamba) 500,000F

3è: Umucyo (ryo mu Murenge wa Kansi): 200,000F

B. Indirimbo

1er: Niyonkuri JMV (Ndora Sector): 30,000F

2è: Free Boys (Mugombwa Sector): 20,000F

3è: Singirankabo Pascal (Kansi Sector): 10,000F

C. Imivugo

1er: Manishimwe Florence (Nyanza Sector): 30,000F

2è: Niyigena Angel Merci (Save Sector): 20,000F

3è: Hategekimana Damascene (Mugombwa Sector): 10,000F

D. Kuvugira inka

1er: Niyomugabo Emmanuel (Gikonko Sector): 30,000F

2è: Bikorimana Manassé (Kansi Sector): 20,000F

3è: Karekezi Eric (Muganza Sector): 10,000F

3. Mu rwego rwo Gukurikirana uko ibibazo by’abaturage byagejejwe ku badepite mu ngendo ziheruka byakemuwe no Gusura ibikorwa byerekeranye n’ubukerarugendo n’inganda nto n’iziciriritse zitari iz’amakoperative;

Team y'abadepite Hon Dep. Uwera Kayumba Marie Alice na Hon Rwaka Pierre Claver na SG w'Inteko Ishingamategeko Umutwe w'Abadepite Madame Kambanda Jeaninne bakomeje gusura Imirenge, uyu munsi basuye Umurenge wa Kibilizi, baherekejwe na Dir Admin Bede John.

Bakiriwe n'Umunyamabanga Nshingwabikorwa w'Umurenge bagirana ibiganiro n'ibyiciro bitandukanye by'abayobozi bahagarariye abaturage.

Bamaze kugaragarizwa ishusho rusange y'iterambere n'imibereho myiza by'abaturage muri uwo Murenge, basuye agasozi k'inganda basurayo:

- Uruganda rutunganya umusaruro w'ibitoki mo umutobe, urwagwa na Gin rwa GABI Ltd

- Uruganda rutunganya umusaruro w'ibigori Gisagara Maize Flour

4. Ku karere habaye inama ya commission y'imiyoborere myiza mu Nama Njyanama y'Akarere.

Hasuzumwe ingingo zikurikira:

- Status y'Imihigo y'imiyoborere myiza

- Ishyirwamubikorwa ry'ibyemezo by'Inama Njyanama y'ubushize

- Imikorere mishya y'Inama Njyanama z'imidugudu

5. Abakozi b'ikigo cy'Igihugu gishinzwe Irangamuntu (NIDA) bafotoye abaturage bo mu Murenge wa Kigembe (418) n'uwa Kansi (702) bifuza irangamuntu. Abafotowe uyu munsi bose hamwe ni 1,120

6. Kuva kuwa 30-31/05/2023 Amatsinda anyuranye y'abayobozi n'abakozi ku ewego rw'Akarere barimo kuzenguruka Imirenge basuzuma uburyo Imirenge yashyize mu bikorwa imihigo 2022-2023 banatanga inama z'ibyanozwa neza.

7. Ku bufatanye bwa YEGO CENTER, POLICE, NYC mu Karere, kuri santeri ya Nyaruteja habaye ubukangurambaga bukomatanyije bugamije kuzamura impano z'urubyiruko, kurwanya ibiyobyabwenge, inda ziterwa abangavu ndetse hapimwe urubyiruko 101 virusi itera SIDA. Hitabiriye urubyiruko rugera ku 3000.

Murakoze