1. Umunyamabanga Nshingwabikorwa w'Akarere Carine Uwamahoro yayoboye inama ngufi y'abakozi b'Akarere bakorera ku HQs (Morning Brief) yibanze ku ngingo zikurikira:
- Gushimira abakozi uburyo bateguye evaluation y'imihigo 2024-2025 no gukomeza gushyira imbaraga mu bikorwa kugira ngo bizarangire neza ki gihe
- Ishyirwa mu bikorwa ry'imyanzuro y'inama iheruka
- Kwihutisha ishyirwa mu bikorwa no kwishyura imishinga yabonewe amafaranga

2. Mu Karere ka Gisagara hashojwe Urugerero rudaciye ingando rw'Inkomezabigwi Icyiciro cya 12.

Ku rwego rw'Akarere rwashorejwe mu Murenge wa Nyanza n'Umuyobozi w'Akarere akaba n'umutoza mukuru w'Intore z'Imbanzabigwi Jerome Rutaburingoga ari kumwe n'Umuyobozi wa Reserve Force mu Karere, mu gihe VM AFSO Denise Dusabe yashoreje abo mu Murenge wa Ndora.

Iki igikorwa cyabimburiwe no gusura bimwe mu bikorwa bakoze:
- Kubakira imiryango 5 itishoboye
- Kugarura abana ku ishuri "Back to school" byatumye abana 23 bari bararitaye basubira kwiga
- Gutera ibiti 4651 ku mashuri.

Urubyiruko 929 ni rwo rwashoje urugerero mu Karere.

3. Umuyobozi w'Akarere Jerome Rutaburingoga yasuye ikigo cy'amashuri cya Gisunzu mu Murenge wa Nyanza, Akagari ka Nyaruteja, aganira n'ubuyobozi bw'ishuri n'abarezi bose, abakangurira:
- Kwita ku burezi bashinzwe, bakabukora babukunze
- Kurwanya Drop Out mu mashuri, kandi ku bufatanye n'ubuyobozi bw'inzego z'ibanze n'ababyeyi bakagira uruhare mu kugarura abana ku ishuri
- Gukora bakiteza imbere, badacungira imibereho yabo ku mushahara gusa.

Murakoze