1. Mu gitondo, 07h00-08h30, abayobozi n'abaturage mu Mirenge yose n'ibigo binyuranye mu Karere ka Gisagara baramukiye mu bikorwa by'igitondo cy'isuku. Ku rwego rw'Akarere ibikorwa byabereye mu Mudugudu wa Duwani, Akagari ka Duwani mu Murenge wa Kibilizi, aho byitabiriwe na VM AFSO Denise Dusabe.
Muri EP Save, urubyiruko rw'abanyeshuri bahawe ibiganiro ku kamaro k'isuku n'isukura ku buzima, imibereho rusange n'ibidukikije.

2. Umuyobozi w'Akarere ari kumwe n'abayobozi b'inzego z'umutekano ku Karere basuye Umurenge wa Save, bakorana inama n'abakozi n'abayobozi bahagarsriye abaturage mu byiciro binyuranye.
Inama yibanze ku ngingo zikurikira:
- Umutekano
- Gufasha abaturage mu rugendo rw'iterambere n'imibereho myiza
- Ishyirwa mu bikorwa ry'imihigo y'umurenge
- Amatora azaba mu kwezi kwa Nyakanga 2024

3. Mu rwego rw'imiyoborere myiza, kwegera abaturage hagamijwe kubakemurira ibibazo no kuganira kuri gahunda z'iterambere n'imibereho myiza, kuri iki gicamunsi, mu Mirenge hose (Utugari twose) habaye inteko y'abaturage.

Ku rwego rw'Akarere yabereye mu Murenge wa Save mu Kagari ka Gatoki, aho yitabiriwe n'Umuyobozi w'Akarere Jerome Rutahuringoga.
VM AFSO Denise Dusabe yitabiriye inteko mu Kagari ka Kibilizi mu Murenge wa Kibilizi.

4. VM ED Jean Paul Habineza yitabiriye inama kuri Forest Investment Program: Development of Agroforestry for Sustainable Agriculture in Rwanda yabereye muri Serena Hotel i Kigali.

5. VM AFSO DUSABE Denise yatangije amahugurwa y'iminsi 3 yateguwe ku bufatanye na NUDOR, akaba ari mu byiciro 2:
- Amahugurwa ahabwa ibyiciro bihagarariye abaturage mu Mirenge ya Muganza, Ndora na Kibilizi ku kumenya uburenganzira bw'abantu bafite ubumuga.

- Amahugurwa ahabwa abafatanyabikorwa n'abatanga service ku kudaheza abafite ubumuga.

Murakoze