1. Umuyobozi w'Akarere Jerome Rutaburingoga yitabiriye inama y'Intara y'Amajyepfo ku bukangurambaga kuri Rwanda Space Agency hagamijwe kumenya inshingano zayo n'uruhare rw'icyo kigo mu iterambere ry'ubuhinzi n'izindi

serivise zifashisha ikoranabuhanga rishingiye ku isanzure (space technologies).

2. Umuyobozi w'Akarere Rutaburingoga Jerome yayoboye inama ya Task Force y'Akarere ishinzwe kugenzura uko amashuri ashaka ibiribwa byo kugaburira abanyeshuri. Inama yitabiriwe n'abagize Komite Nyobozi, inzego z'umutekano.

Abari mu nama bashyizeho Team igizwe na DDE, Procurement officer, Notaire bahabwa inshingano zo gukorana n'Imirenge n'amashuri bakanoza ibiciro byatanzwe na ba Rwiyemezamirimo, Inama ikazongera guterana ejo kuwa 21/9/2023.

3. None kuwa 20/09/2023, mu Karere ka Gisagara hatangijwe igihembwe cy'ihinga A2024. Igikorwa cyabereye mu gishanga cya Kibugazi giherereye mu Kagari ka Gisagara mu Murenge wa Ndora, gihingwaho ibigori kuri Ha 60, kiyoborwa na VM ED Jean Paul Habineza ari kumwe n'Ubuyobozi wa RAB Station Rubona Kagwa Evarde, abahagarariye inzego z'umutekano, abayobozi b'Umurenge n'Akagari.

Hatewe 1Ha, igikorwa cy'ubuhinzi kirakomeje.

Ku gicamunsi, VM ED yakomeje gukurikirana ubwitabire bw'igihembwe cy'ihinga A2024 mu Mirenge

4. Ku gicamunsi Umuyobozi w'Akarere wungirije ushinzwe imibereho myiza y'abaturage Denise Dusabe akaba n'umwe mu bagize Task Force yo gukurikirana igikorwa cyo guhahira ibiribwa amashuri yayoboye inama yahuje DDE na Procurement officer (bamwe mubari muri task force ) ndetse na ba rwiyemezamirimo batanze ibiciro byo kugemura ibiribwa mu mashuri.

Abari mu nama bakoreye mu matsinda y'Imirenge igize Akarere batanga ibiciro  bizaganirwaho na Task Force y'Akarere ejo kuwa 21/9/2023.

5. VM AFSO Denise Dusabe yayoboye inama nyunguranabitekerezo ya Komite z'Ihuriro ry'abana ku rwego rw'Akarere. Muri iyi nama hakusanyirijwe ibitekerezo n'ibyifuzo byavuye mu nama nyunguranabitekerezo zabaye kuva ku rwego rw'Akagari kugeza ku rwego rw'Umurenge.

Abana bahawe umwanya wo gutanga ibitekerezo byiza kandi byubaka ejo hazaza heza h'Umwana, bikazatangwa mu nama y'abana ku rwego rw'Ighugu.

6. VM AFSO Denise Dusabe yitabiriye amahugurwa yatanzwe ku bufatanye na DUHAMIC ADRI yari ihagarariwe na BIZIMANA JMV ushinzwe umushinga "UBUREZI IWACU" bafatanyijemo na World Vision, Imbuto Foundation na Humanity Inclusion.

Amahugurwa yahawe abahagarariye amadini n'amatorero baturutse muri buri Murenge no ku Karere mu gufasha no gutoza abana gusoma.

7. Hashojwe umwiherero wa Gisagara Volleyball Academy (GVA), Abahungu n'abakobwa, waberaga muri Groupe Scolaire St Philippe Neri ku Gisagara (12-20/09/2023). Ni umwiherero ngarukamwaka wateguwe hagamijwe gushakisha no kuzamura impano z'abana mu mukino wa volleyball.

Ni gahunda yatangiye kuva mu mwaka ushize ubwo hatangizwaga irerero ry'abana bakina volleyball, mu Karere ka Gisagara hagamije gushakisha no kuzamura impano z'abana mu mukino wa volleyball.

Abana bitabiriye uyu mwiherero bose hamwe ni 48 (abakobwa 24: 12 years to 16 years, n'abahungu 24: 14 years to 18 years).

Amahugurwa yashojwe na VM AFSO Denise Dusabe, hakinwa umukino w'abakobwa hagati yabo (ikipe A n'ikipe B) urangira ikipe A itsinze B 2-0.

Umukino wa kabiri wahuje GVC (isanzwe) na Gisagara Volleyball Academy (bipima kuri bakuru babo), Urangira GVC itsinze GVA amaseti 3-0.

8. Uyu munsi, Igikorwa cyo gufotora abageze igihe cyo gufata Indangamuntu cyakomereje mu Mirenge ya Gikonko na Gishubi, hafotorwa 372 (Gikonko: 194, Gishubi: 178).

Igikorwa kizakomeza ejo kuwa Kane muri iyo Mirenge n'ubundi kuko buri Murenge bawukoreramo iminsi 2.

9. ProFemmes Twese Hamwe ifatanyije na CARE International bateguye inama ngarukagihembwe zirimo kubera mu Mirenge ya Kansi, Kigembe, Mamba, Mugombwa, Musha Ndora no mu Nkambi ya Mugombwa kuva tariki 6-21/09/2023. Hamwe n'aba champions, bararebera hamwe imigendekere y'amahugurwa batanga mu matsinda ya CARE (Intambwe) ku bijyanye n'indangagaciro z'umugore w'umuyobozi, kuvugira mu ruhame, gukoresha neza igihe, gukemura ibibazo no gukora ubuvugizi.

Champions biyemeje gukomeza kuba umusemburo w'impinduka aho batuye no kugeza gahunda y'ubujyanama mu buyobozi ku bagore benshi bari mu nzego zitandukanye.

10. Muri salle ya YEGO Center Gisagara habereye amarushwa yo gusoma ku bana 13 baturutse mu Mirenge igize Akarere ka Gisagara, umwe kuri buri Murenge.

Abana bose bitwaye neza, bakaba bahawe ibihembo bigizwe n'amakayi, amakaramu na boites mathematicals.

Murakoze