1. Nk'uko biteganyijwe buri wa kabiri w'icyumweru, mu Mirenge yose n'ibigo bitandukanye mu Karere ka Gisagara, abayobozi n'abayoborwa baramukiye mu bikorwa by'igitondo cy'isuku.
"Isuku twayigize umuco".

2. Uyu munsi Umuyobozi w'Akarere wungirije ushinzwe iterambere ry'ubukungu Jean Paul Habineza yakiriye itsinda riyobowe na Supt Jean Marie Ndushabandi hagamijwe gusobanurira Akarere igikorwa cyo gushyikiriza amashanyarazi akomoka ku muirasire y'izuba imiryango 300  yo mu Midugudu yo mu Murenge wa Mukindo itegerwamo n'amashanyarazi. Iki ni igikorwa kizakorwa ku bufatanye na Minisiteri y'ibidukikije, Police na REG.

3. Ku bufatanye na Ministeri y'uburinganire n'iterambere ry'umuryango(MIGEPROF), uyu munsi VM ED HABINEZA Jean Paul ari kumwe na DG muri MIGEPROF Madamu UMUTONI Aline yatangije igikorwa cyo gufasha abahuye n'ihohotera rishingiye ku gitsina (GBV clinic) bagaterwa inda bataruzuza imyaka y'ubukure. Ni igikorwa kizamara iminsi 4: kuva uyu munsi tariki ya 20-23/08/2024

Ikigamijwe:
Abangavu bazahabwa serivisi zinyuranye zirimo:
- Izitangwa na IOSC;
- Iz'ubutabera;
- ubuzima;
- irangamimerere;
- isanamitima;
- kubasubiza mu buzima busanzwe.

Hazaganirizwa kandi ababyeyi bombi b'abo bangavu, hibandwa ku ruhare rw'umubyeyi w'umugabo mu kurinda abangavu ihohoterwa.

Muri rusange ibi biganiro na serivisi zinyuranye bizahabwa abantu 360: ni ukuvuga abangavu 120 n'ababyeyi babo 240.

4. Ku kibuga cy'Akarere hatangiye imurikabikorwa ry'abafatanyabikorwa JADF Open Day ry'iminsi 3: 20-22/08/2024, itangizwa na VP w'Inama Njyanama y'Akarere Laurette Mushimiyimana ari kumwe VM ED Jean Paul Habineza, Perezida w'Ihuriro ry'abafatanyabikorwa Muhashyi Aphrodis n'abafatanyabikorwa bo mu Karere.

Iyi Open Day yitabiriwe n'abafatanyabikorwa 57. Byumwihariko yitabiriwe n'abikorera baturuka mu tundi Turere n'umujyi wa Kigali baje kugaragaza no kugurisha ibyo bakora cg bacuruza.

5. Mu rwego rwo kwegera abaturage no kubakemurira ibibazo, kuri iki gicamunsi, mu Tugari twose habaye inteko z'abaturage. Ku rwego rw'Akarere yabereye mu Murenge wa Gishubi mu Kagari ka Nyeranzi aho yitabiriwe na VM ED Jean Paul Habineza.

Murakoze