1. VM AFSO Denise Dusabe yatangije amahugurwa y'igororamuco rikorewe mu muryango ku bufatanya n'ikigo cy'igihugu gishinzwe igororamuco NRS.

Hahuguwe abazahugura abandi ku ishyirwa mu bikorwa ry'umuhigo w'igororamuco rikorewe mu Muryango, amahugurwa atangwa n'intumwa za NRS zari ziyobowe na NZAMWITA J.Noel.

 Ayamahugurwa yitabiriwe n'aba bakurikira :

- VM AFSO Denise Dusabe

- Umukozi ku Karere ushinzwe uburinganire n'iterambere ry'umuryango

- Umukozi ushinzwe urubyiruko, umuco na Siporo

- DASSO Coordinator ku Karere n'Imirenge

- Abakozi ku bitaro bya Kibilizi na Gakoma ( Pyschologists)

- Abanyamabanga Nshingwabikorwa b'Imirenge  (bose)

- Abakozi bashinzwe Imibereho Myiza y'abaturage ku Mirenge (bose)

- Abakozi bashinzwe uburezi ku Mirenge (bose)

- Umuhuzabikorwa wa Youth Volonteers ku rwego rw'Akarere.

- Abahuzabikorwa b'Inshuti z'umuryango ku rwego rw'Imirenge (bose ).

2. Umuyobozi w'ishami ry'uburezi mu Karere ari kumwe n'intumwa za NESA na RTB bahuye n'abayobozi b'amashuri azakira abana mu mwaka wa mbere (S1) n'umwaka wa kane (S4) biga bataha(Day schools) mu rwego rwo kuganira no kunoza itangira ry'amashuri, cyane cyane guha abanyeshuri imyanya bahereye ku bifuza kwiga tekinike n'ubumenyingiro (TVET), ingendo bazakora no kureba ubucucike buri ku mashuri.

3. Mu rwego rwo kwegera abaturage no kubakemurira ibibazo, kuri iki gicamunsi, mu Mirenge yose habaye inteko z'abaturage. Ku rwego rw'Akarere yanereye mu Kagari ka Gabiro mu Murenge wa Gishubi, aho yitabiriwe na VM AFSO Denise Dusabe.

Nyuma y'inteko, ku bufatanye na Caritas, hatanzwe amakarito 8 y'amasabune mu midugudu yo gufasha abana batoranyijwe baturuka mu miryango itishoboye kunoza isuku mu rwego rwo kwitegura gusubira ku ishuri.

4. Ku bufatanye bw'Akarere ka Gisagara na NRS, uyu munsi mu Murenge wa Mugombwa habereye amahugurwa yahawe imboni z'impinduka (urubyiruko rwavuye mu bigo ngororamuco), akaba yatanzwe na Madamu Alivera (NRS).

Ibyo bahuguwe:

- Ikivugo cy'imboni z'impinduka

- Imikorere y'imboni z'impinduka

- Imyitwarire ikwiye kuranga umuntu wavuye mu kigo ngororamuco

- Ibikorwa byagezweho n'imboni z'impinduka.

Nyuma ho kungurana ibitekerezo, imboni z'impinduka zasabwe gukora cyane kugira ngo biteze imbere, bakirinda ingeso mbi aho ziva zikagere, kugira isuku kandi bagaharanira kudatesha agaciro izina bahawe ryo kuba imboni z'impinduka.

5. Kuri uyu wa Kabiri 19/9/2023, Igikorwa cyo gufotora abageze igihe cyo gufata Indangamuntu cyakomereje mu Mirenge ya Mukindo na Mugombwa, hafotowe abantu 747 (Mukindo: 492, Mugombwa: 255).

Igikorwa kizakomeza ejo kuwa Gatatu mu Mirenge ya Gishubi na Gikonko.

Murakoze